Dawa ya Posaconazole

Posaconazole ni dawa mojawapo ya kutibu magonjwa ya fangasi iliyoko katika kundi la dawa linaloitwa antifangasi aina ya Triazole. Dawa hii huwa maarufu pia kwa jina la Noxafil

Rangi, fomu na uzito Posaconazole

Rangi yake huwa ni njano ila pia mara inatofautiana na mara nyingi utegemea aina ya kiwanda kinachotenegeneza.

Posaconazole hupatikana katika mfumo wa kidonge chenye uzito wa miligramu

100

Posaconazole hupatikana katika mfumo wa maji wenye ujazo wa

Miligramu 40 kwa mililita moja (105mg/ml)

Posaconazole hupatikana katika mfumo wa sindano wenye ujazo 18mg/ml (300mg/vial)

Namna Posaconazole inavyofanya kazi

Dawa hii hufanya kazi zake kwa kuingilia kimeng’enya kinachoitwa inayoitwa saitokromu P-450 ambayo ni muhimu kwa ubadilishaji wa lanosteroli kwenda ergosteroli. Hii inasababisha kupunguza utengenezaji wa ergosteroli ambayo ni muhimu katika utengenezaji wa ukuta wa seli ya fangasi. Kwa kufanya hivyo hufanya seli ya fangasi kufa.

Dawa zilizo kundi moja na Posaconazole

Dawa hii ipo katika kundi sawa na dawa zifuatazo;

• Albaconazole

• Efinaconazole

• Epoxiconazole

• Fluconazole

• Isavuconazole

• Itraconazole

• Propiconazole

• Ravuconazole

• Terconazole

• Voriconazole

Kazi ya Posaconazole

Hutumika kwenye matibabu ya maradhi ya fangasi.

Wagonjwa wasiopaswa kutumia Posaconazole

Wagonjwa wenye aleji na dawa hii au jamii ya dawa za Antifangasi

Matumizi ya Posaconazole kwa mama mjamzito

Dawa hii ipo kwenye kundi C ya usalama wa dawa kipindi cha ujauzito

Dawa hii hushauriwa kutumika kwa uangalifu kipindi cha ujauzito

Matumizi ya Posaconazole kwa mama anayenyonyesha

Takwimu hazijaonyesha kuwa kuna uwezekano wa hii dawa kuingia au kuwa kwenye maziwa ya mtoto ila aishauriwi itumike kwa wamama wajawazito

Maudhi ya dawa Posaconazole

Baadhi ya maudhi madogo ya dawa hii ni pamoja na :

• Kichefuchefu

• Kutapika

• Maumivu ya tumbo na kichwa

• Kizunguzungu

• Kuharisha

• Kukosa hamu ya tendo la ndoa

• Mwili kuwa manjano

• Kuogopa mwanga

• Kuwashwa mwili

Endapo umesahau dozi ya Posaconazole

Je endapo utasahau dozi yako ufanyaje ?

Endapo ukisahau kutumia dozi yako, tumia au paka mara pale utakapokumbuka, na endapo muda umekaribia wa dozi nyingine, acha dozi uliyosahau na endelea na dozi yako inayofuata kama ulivyopangiwa na daktari wako.