Dawa ya Tioconazole

Tioconazole ni dawa mojawapo ya kutibu magonjwa ya fangasi iliyoko katika kundi la antifangasi aina ya imidazole. Dawa hii huwa maarufu pia kwa jina la Vagistat 1.

Fomu ya dawa Tioconazole

Tioconazole hupatikana katika fomu ya krimu yenye ujazo mbalimbali na kiini cha dawa kwa asilimia 6.5%

Namna Tiozonazole inavyofaya kazi

Dawa ya Tioconazole ni aina ya dawa kutoka kundi la antifangasi aina ya imidazole.Dawa hii ya Tioconazole hufanya kazi zake kwa kuharibu ukuta wa seli ya fangasi. Tioconazole na aina nyingine za dawa ya fangasi hufanya kazi kwa kuzuia utengenezaji wa homoni ergosteroli ambayo huhitajika kwa ajili ya kutengeneza ukuta wa seli ya fangasi.

Dawa zilizo kundi moja na Tioconazole

Dawa hii ipo katika kundi sawa na dawa zifuatazo:

• Bifonazole

• Butoconazole

• Clotrimazole

• Econazole

• Fenticonazole

• Isoconazole

• Ketoconazole

• Luliconazole

• Miconazole

• Omoconazole

• Oxiconazole

• Sertaconazole

• Sulconazole

Kazi ya Tioconazole

Hutumika kwenye matibabu ya fangasi aina ya Kandidiasisi.

Wagonjwa wasiopaswa kutumia Tioconazole

Wagonjwa wenye aleji na dawa hii au jamii ya dawa za Antifangasi

Matumizi ya Tioconazole kwa mama mjamzito

Dawa hii hushauriwa kutumika kwa uangalifu wakati wa kipindi cha ujauzito

Matumizi ya Tioconazole kwa mama anayenyonyesha

Takwimu hazijaonyesha kuwa kuna uwezekano wa hii dawa kuingia au kuwa kwenye maziwa ya mtoto ila aishauriwi itumike kwa wamama wanaonyonyesha.

Maudhi ya dawa Tioconazole

Baadhi ya maudhi madogo ya dawa hii ni pamoja na;

• Maumivu ya tumbo

• Maumivu ya kichwa

• Kuwashwa kwenye uke

Je endapo utasahau dozi yako ya Tioconazole ufanyaje ?

Endapo ukisahau kutumia dozi yako, tumia mara pale utakapokumbuka, na endapo muda umekaribia wa dozi nyingine, ruka dozi uliyosahau na endelea na dozi yako inayofuata kama ulivyopangiwa na daktari wako.

​