Dawa ya Undecylenic acid

Undecylenic acid ni dawa mojawapo ya kutibu magonjwa ya fangasi iliyopo katika kundi la dawa linaloitwa antifangasi. Dawa hii huwa maarufu pia kwa jina la cruex.

Fomu ya Undecylenic acid

Undecylenic acid hupatikana kwenye fomu ya unga na Maji au krimu katika asilimia zifuatazo :

• Unga :10 %, 12% na 19 %

• Maji : 25%

Namna Undecylenic acid inavyofanya kazi

Dawa ya undecylenic acid ni aina ya dawa ilni aina ya fati acid isiyo na maji, hufanya kazi ya kuzuia utengenezaji wa ukuta wa seli ya fangasi.

Dawa zinazofanya kazi kama Undecylenic acid

Dawa hii ipo katika kundi sawa na dawa zifuatazo:

• Amphotericin B

• Butoconazole

• Capsofungin

• Ciclopiro

• Econazole

• Flucytosine

• Griseofulvin

• Itraconazole

• Miconazole

• Naftifine hydrochloride

• Oxiconazole nitrate

• Sulconazole nitrate

• Terbinifine

• Terconazole

• Tioconazole

• Tolnaftate

• Voriconazole

Kazi za Undecylenic acid

Hutumika kwenye matibabu ya maradhi ya fangasi mwilini kutokana na maradhi ya ngozi yanayosababishwa na fangasi aitwaye Tinea Corporis na pedis.

Wagonjwa wasiopaswa kutumia Undecylenic acid

Wagonjwa wenye aleji na dawa hii au jamii ya dawa za Antifangasi pamoja na wagonjwa watakaoonyesha dalili za kkuwashwa kwa ngozi

Tahadhari kwa watumiaji wa Undecylenic acid

• Dawa hii ni kwa matumizi ya nje tu

• Haipaswi kupakwa kwenye macho

Matumizi ya Undecylenic acid kwa mama mjamzito

Dawa hii inaweza kutumika endapo faida ni kubwa kuliko madhara yanayoweza kujitokeza kwa mama mjamzito.

Matumizi ya Undecylenic acid kwa mama anayenyonyesha

Hakuna takwimu zinazoonyesha kuwa dawa hii hutolewa kwenye maziwa ,Inaweza kutolewa kwa tahadhari.

Maudhi ya Undecylenic acid

Baadhi ya maudhi madogo ya dawa hii ni pamoja na:

• Kuwashwa ngozi

Je endapo utasahau dozi yako ya Undecylenic acid ufanyaje ?

Endapo ukisahau kutumia dozi yako, tumia mara pale utakapokumbuka, na endapo muda umekaribia wa dozi nyingine acha dozi uliyosahau na endelea na dozi yako kama ulivyopangiwa na daktari wako.