Lixisenatide

Utangulizi

Lixisenatide ni dawa mojawapo ya kutibu ugonjwa wa kisukari aina ya pili iliyopo kwenye kundi la dawa linaloitwa Glucagon like peptide 1 Agonisti. Dawa hii huwa maarafu kwa jina la Adlyxin na hutumika kwa kuchoma sindano mara moja kwa siku kabla ya kifungua asubuhi.

Dawa hii hupatikana katika dozi zifuatazo;

• 50mcg/mL katika 3mL

• 100mcg/mL katika 3 mL

Namna dawa inavyofanya kazi ;

Hufanya kazi kwa kuchochea kongosho kuzalisha homoni ya Insulin mara kiwango cha sukari kinapoongezeka kwenye damu.

Homoni ya Insulini husaidia seli za mwili kutumia na kuhifadhi sukari na hivyo kuiondoa kwenye dmau. Kufanya hivi kiwango cha sukari hupungua sana kwenye damu.

Dawa zingine zilizo kwenye kundi moja ni;

• Exenatide

• Taspoglutide

• Semaglutide

• Dulaglutide

Kazi za dawa hii ni;

• Hutumika kudhibiti kiasi cha sukari kwa Wagonjwa wa kisukari aina ya pili

Utofauti wa pekee wa dawa hii na dawa zingine za kwenye kundi hili la (GlP1 Inhibitor) ni;

• Ukilinganisha na dawa zingine za kundi lake, lixisenatide huweza kupunguza ufyozwaji wa dawa zingine za antibayotiki na parasetamo, hivyo mgonjwa anapaswa kutumia dawa zingine saa 1 kabla ya kutumia dawa hii.

• Utendaji kazi wake ni mzuri zaidi katika kuthibiti kiwango cha sukari kwenye damu ukilinganisha na dawa za kundi lake.

• Hufanya kazi vyema kwa wazee na watu wenye uhafifu wa kuona kutokana na kisukari.

Dawa hii inapaswa kufuatiliwa kwa ukaribu inapotumika na dawa zifuatazo;

• Acetaminophen

• Chlorpropamide

• Dienogest

• Ethinylestradiol

• Glimepiride

• Glipizide

• Glyburide

• Insulin degludec

• Insulin detemir

• Insulin glargine

• Mestranol

• Tolazamide

• Tolbutamide

Dawa hii haipaswi kutumika kwa wagonjwa wafuatao:

• Wagonjwa wenye aleji na dawa hii

Tahadhari ya dawa hii ni;

• Sio mbadala wa Insulin

• Haipaswi kutumika kwa mtu mwenye kisukari aina ya kwanza

• Huweza kupelekea pankreataitizi

• Huweza kupelekea figo kushindwa kufanya kazi

Kundi la dawa kwenye ujauzito

Shirika la dawa ulimwengu bado halijaweka dawa hii kwenye makundi ya dawa salama kipindi cha ujauzito

Kwa mama mjamzito na anayenyonyesha

Tafiti zilizofanywa kwa wanyama zinaonyesha kuwa, dawa hii ilipotolewa kwa panya na sungura wakati wa ujauzito kipindi cha utengenezwaji wa ogani iliweza kusabababisha uharibifu kwenye mfumo wa mifupa na kupunguza ulaji wa chakula na kuongezeka uzito kwa mtoto. Hivyo, inapaswa kutumika kwa mama mjamzito endapo faida ni kubwa zaidi ya hatari kwa mtoto tumboni

Inapaswa kutumika kwa tahadhari kwa mama anayenyonyesha kama faida ni kubwa kuliko hatari kwa mtoto

Baadhi ya maudhi madogo ya dawa ni;

• Kushuka kwa kiasi cha sukari

• Kutapika

• Maumivu ya kichwa

• Kizunguzungu

• Uvimbe sehemu iliyochomwa sindano

• Choo kuwa kigumu

• Maumivu ya tumbo

Je endapo utasahau dozi yako ufanyaje?

Endapo ukisahau kuchoma dozi yako ya sindano choma mara pale utakapokumbuka na endapo muda wa dozi nyingine umekaribia acha dozi uliyoisahau na endelea na dozi yako kama ulivyopangiwa na daktari wako.