Olmesartan

Olmesartan ni dawa ya kutibu shinikizo la juu la damu iliyo kwenye kundi la dawa linaloitwa angiotensini II risepta bloka.

Majina ya kibiashara

Olmesartan hufahamika kwa majina mengine kama;

• Benicar

Olmesartan na chakula

Unaweza kunywa olmesartan pamoja au pasipo chakula tumboni kama utakavyoelekezwa na daktari wako.

Fomu na uzito wa Olmesartan

Olmesartan hupatikana katika mfumo wa kidonge chenye uzito wa milligram zifuatazo;

• 5mg

• 20mg

• 40mg

Namna dawa ya Olmesartan inavyofanyakazi

Dawa jamii ya ARBs ikiwa pamoja na Olmesartan hufanya kazi zifuatazo ili kupunguza shinikizo la damu;

Olmesartan hufanya kazi kwa kufunga risepta za Angiotensin II zinazojulikana kwa jina la AT1 Risepta. Risepta hizi hupatikana kwenye moyo,mishipa ya damu na figo. Risepta hizi zinapofungwa hupelekea kutanuka kwa mishipa ya damu hivyo kuwa na kipenyo kikubwa na matokeo yake ni kushuka kwa shinikizo la damu.

Hupinga uzalishwaji wa homoni ya Aldosterone ambayo hutumika kuthibiti kiasi cha sodium na maji, Kiasi cha sodium kinapothibitiwa huweza kupunguza shinikizo la damu kwa hutanua kipenyo cha mishipa ya damu na kuruhusu damu kupita bila shinikizo la juu

Dawa kundi moja na Olmesartan

Dawa zingine zilizo kwenye kundi moja (Kundi la ARBs) na Olmesartan ni;

• Azilsartan

• Candesartan

• Eprosartan

• Irbesartan

• Losartan

• Telmisartan

Olmesartan hutibu nini?

Olmesartan hutumika kwenye matibabu ya shinikizo la damu la juu

Upekee wa Olmesartan

Utofauti wa pekee wa Olmesartan na dawa zingine ni;

• Olmesartan huvumilika kwa wagonjwa wa moyo ulioferi

• Ni salama na thabiti kwa wagonjwa wa Portal haipatension wenye shida ya ini

Wagonjwa wasiopaswa kutumia Olmesartan

Olmesartan haipaswi kutumika pamoja na dawa zifuatazo;

• Benazepril

• Captopril

• Enalapril

• Fosinopril

• Lisinopril

• Lithium

• Lofexidine

• Moexipril

• Perindopril

• Potassium Phosphate IV

• Quinapril

• Ramipril

• Trandolapril

Wagonjwa wasiopaswa kutumia Olmesartan

Olmesartan haipaswi kutumika kwa wagonjwa wafuatao ;

Wagonjwa wenye aleji na dawa hii au dawa jamii ya ARBs pia haipaswi kutumika pamoja na dawa ya Aliskiren kwa wagonjwa wa kisukari

Wagonjwa wenye kiwango cha uchujaji mkojo (GFR) chini ya Millilitre 60 kwa dakika (GFR<60Ml/min/1.73m2)

Angalizo la Olmesartan

Olmesartan inapaswa kutumika kwa tahadhari kwa wagonjwa wafuatao;

• Wagonjwa wenye moyo ulioferi

• Wagonjwa wenye angioedema

• Wagonjwa wenye Haipotension

• Wagonjwa wenye shida ya figo

Olmesartan kwa mjamzito

Itumike kwenye hali ya dharura endapo hakuna dawa nyingine salama kipindi hiki sababu tafiti zinaonyesha yapo madhara kwa mtoto

Olmesartan wakati wa kunyonyesha

Inapaswa kutumika kwa tahadhari kwa mama anayenyonyesha kwa sababu huingia kwenye maziwa ya mama

Maudhi ya Olmesartan

Baadhi ya maudhi madogo ya Olmesartan ni;

• Kichwa kuuma

• Kizunguzungu

• Haipaglycemia

• Maumivu ya mgongo

• Dalili kama za mafua

• Kuchoka

• Kichefuchefu

• Haipakalemia

Je, kama umeshau dozi yako ya Olmesartan ufanyaje?

Kama umesahau kutumia dozi yako ya Olmesartan, tumia mara pale utakapokumbuka isipokuwa kama muda wa dozi nyingine umekaribia sana ambapo utapaswa kusubiria muda huo ufike kisha uendelee na dozi kama ulivyopangiwa na daktari wako.