Phenoxybenzamine

Phenoxybenzamine ni dawa mojawapo ya kushusha shinikizo la juu la damu Iliyo kwenye kundi la Alpha Risepta Antagonisti.

Majina ya kibiashara

Phenoxybenzamine hufahamika kwa jina jingine la kibiashara kama Dibenzyline.

Phenoxybenzamine na chakula

Phenoxybenzamine inapaswa kutumiwa pamoja na chakula mara mbili kwa siku kama utakavyoelekezwa na kushauriwa na daktari.

Fomu na uzito wa Phenoxybenzamine

Dawa hii hupatikana katika mfumo wa tembe katika milligram 10

Namna Phenoxybenzamine inavyofanya kaz

Dawa jamii ya apha risepta antagonisti ikiwa pamoja na Phenoxybenzamine hufanya kazi zifuatazo;

Hufunga milango ya seli yenye jina la Alpha adrenorisepta na hivyo kupelekea kulegea na kupanua kipenyo cha mishipa ya damu na kuruhusu damu kupita bila shinikizo kubwa.

Dawa kundi moja na Phenoxybenzamine

Dawa zingine zilizo kwenye kundi moja (Alpha Risepta Antagonisti) na dawa hii ni;

• Phentolamine

• Prazosin

• Terazosin

• Doxazosin

• Alfuzosin

• Tamsulosin

• Indoramin

• Urapidil

• Bunazosin

Kazi ya Phenoxybenzamine

Hutumika kwenye matibabu ya wagonjwa wa pheochromocytoma kwa ajili ya kushusha shinikizo la juu la damu

Upekee wa Phenoxybenzamine

Utofauti wa pekee wa dawa hii na dawa zingine za kwenye kundi hili la (Alpha Risepta Antagonisti) ni kwamba Phenoxybenzamine haifanyi vizuri kwenye risepta za alpha 1 na 2 kulinganisha na dawa zingine kwenye kundi hili

Mwingiliano wa Phenoxybenzamine na dawa zingine

Phenoxybenzamine haipaswi kutumika pamoja na dawa zifuatazo kutokan na kuw ana mwingiliano mkali;

• Lofexidine

• Sildenafil

• Tamsulosin

• Vardenafil

• Yohimbe

Wagonjwa wasiopaswa kutumia Phenoxybenzamine

Phenoxybenzamine haipaswi kutumika kwa wagonjwa wafuatao:

Wagonjwa wenye aleji na dawa hii au jamii ya dawa za Alpha Risepta Antagonisti pamoja na wagonjwa wenye tatizo la kushuka shinikizo la damu pale wanaposimama

Tahadhari ya Phenoxybenzamine

Dozi ya kwanza ya dawa hii huweza kupelekea kushuka kwa ghafla kwa shinikizo la damu

Inapaswa kutumika kwa tahadhari kwa wazee

Phenoxybenzamine kwa mjamzito

Dawa hii inaweza kutumika kwa tahadhari kwa mama mjamzito endapo faida ni nyingi kuzidi hatari

Phenoxybenzamine wakati wa kunyonyesha

Haipaswi kutumika kwa mama anayenyonyesha sababu haijulikani kama hutolewa kwenye maziwa baada ya kutumia dawa hii

Nusu maisha ya Phenoxybenzamine

Nusu maisha ya dawa mwilini ni masaa 19 hadi 24

Utolewaji Phenoxybenzamine mwilini

Mabaki yake hutolewa kwa njia ya Mkojo kwa asilimia 60 na Kinyesi kwa asilimia 13

Maudhi ya Phenoxybenzamine

Baadhi ya maudhi madogo ya Phenoxybenzamine;

• Orthostatic haipotension

• Mapigo ya moyo kwenda kasi

• Kizunguzungu

• Kuchoka

• Mwili kuishiwa nguvu

• Mdomo kuwa mkavu

• Kichefuchefu

• Kutapika

• Pua kubana

Je kama umeshau dozi yako ya Phenoxybenzamine ufanyaje?

Kama umesahau dozi yako ya Phenoxybenzamine, unapaswa kutumia mara pale utakapokumbuka. Endapo muda wa dozi nyingine umefika, subiria muda utimie ndipo utumie dozi moja tu kasha kuendelea kama ulivyopangiw ana daktari wako.