Pioglitazone

Pioglitazone ni dawa ya kutibu kisukari aina ya pili iliyo kwenye kundi la thiazolidinedione.

Majina ya kibiashara

Pioglitazone hufahamika kwa jina la kibiashara kama Actos.

Hakikisha unakunywa dawa hii kama ulivyoshauriwa na daktari wako kila siku na kwa kiwango cha dozi uliyopewa.

Fomu na uzito wa Pioglitazone

Pioglitazone hupatikana katika fomu ya kidonge chenye uzito wa milligram zifuatazo;

• 15 mg

• 30 mg

• 45 mg

Namna dawa Pioglitazone inavyofanya kazi

Dawa jamii ya thiazolidinedione ikiwa pamoja na Pioglitazone hufanya kazi zifuatazo ili kushusha kiwango chasukari kwenye damu.

Huchochea tezi ya kongosho kuzalisha homon insulin kwa wingi. Homoni hiihupunguza kiwango cha sukari kwenye damu kwa kuongeza seli kutumi na kuhifadhi sukari iliyo kwenye damu.

Dawa kundi moja na Pioglitazone

Dawa zingine zilizo kwenye kundi moja (Kundi la thiazolidinedione) na dawa hii ni;

• Rosiglitazone

• Troglitazone

Pioglitazone hutibu nini?

Hutumika kushusha kiwango cha sukari kwawagonjwa wenye kisukari aina ya pili.

Dawa zenye mwingiliano na Pioglitazone

Pioglitazone haipaswi kutumika pamoja na dawa zifuatazo kutokana na kuw ana mwingilino mkali.

• Baricitinib

• Eluxadoline

• Gemfibrozil

• Ethanol

Angalizo

Pioglitazone haipaswi kutumika kwa wagonjwa wafuatao;

Wagonjwa wenye aleji na dawa hii au dawa zingine jamii ya thiazolidinedione

Wagonjwa wenye moyo ulioferi

Tahadhari ya Pioglitazone

• Huweza kupelekea kuongezeka kwa uzito inapotumika pamoja na dawa zingine za kisukari

• Husababisha mwanamke ambaye anaingi komahedhi kuzalisha yai na hivyo humwongezea hatari ya kupata mimba endapo hatumii uzazi wa mpango.

• Huweza kupelekea uvimbe wa miguu

Pioglitazone kwa mjamzito

Tafiti zilizofanyikwa kwa wanyama zinaonyesha hakuna madhara katika ukuaji wa mtoto (zilifanyika kwa panya na sungura) hivyo inaweza kutumika kwa tahadhari kwa mama mjamzito.

Pioglitazone kwa mama anayenyonyesha

Hakuna taarifa juu ya upatikanaji wa dawa hii kwenye maziwa hivyo inapaswa kutumika kwa tahadhari endapo faida ni nyingi kuliko hatari kwa mtoto.

Maudhi ya Pioglitazone

Baadhi ya maudhi madogo ya Pioglitazone ni;

• Kuongezeka kwa shinikizo la juu la damu

• Moyo kuferi

• Kuharisha

• Kupungua kwa kiwango cha damu

• Maambukizi ya juu ya mfumo wa upumuaji

• Kichwa kuuma

• Sukari kushuka

• Maumivu ya misuli

Nusu maisha ya Pioglitazone

Dawa hii baada ya kumezwa huanza kufanya kazi kwa masaa 3 hadi 4 na hufikia kilele kati ya masaa 2 hadi 4 na Matokeo ya dawa hudumu kwa masaa 24 baada ya dozi kuisha.

Utoaji Pioglitazone mwilini

Mabaki yake hutolewa kwa njia ya Mkojo kwa asilimia 53 na Kinyesi kw asilimia 16.

Je kama umesahau dozi ya Pioglitazone ufanyaje?

Kama umesahau kutumia dozi yako ya Pioglitazone, tumia mara pale utakapokumbuka isipokuwa kama muda wa dozi nyingine umekaribia sana ambao utapaswa kusubiria muda ufike ndipo unywe dozi hiyo tu na kuendelea kama ulivyopangiwa na daktari wako.