Rosiglitazone

Rosiglitazone ni dawa mojawapo ya kutibu kisukari aina ya pili iliyopo kwenye kundi la thiazolidinedione.

Majina ya kibiashara ya Rosiglitazone

Rosiglitazone huwa maarufu kwa jina Avandia.

Matumizi ya Rosiglitazone na chakula

Rosiglitazone inaweza kumezwa pamoja au bila chakula mara moja au mbili kwa siku kama utakavyoelekezwa na Daktari.

Fomu na uzito wa Rosiglitazone

Rosiglitazone hupatikana katika mfumo wa kidonge chenye uzito wa milligram zifuatazo;

• 2mg

• 4mg

Nusu maisha ya Rosiglitazone

Kiwango cha juu cha dawa kwenye damu hufikiwa ndani ya masaa 3 hadi 5 na nusu maisha ya dawa mwilini ni masaa 3 hadi 4.

Utoaji dawa Rosiglitazone mwilini

Mabaki ya dawa hutolewa kwa njia ya Mkojo kwa asilimia 64 na Kinyesi asilimia 22.

Namna Rosiglitazone dawa inavyofanya kazi

Dawa jamii ya thiazolidinedione ikiwemo Rosiglitazone hufanya kazi zifuatazo ili kuthibiti kiasi cha sukari mwilini;

Huchochea risepta za Peroxisome Proliferator zilizo kwenye tezi ya kongosho ili zishinikize uzalishaji wa homon insulin kwa ajili ya kufanya kazi ya kuongeza matumizi ya sukari mwilini na kubadilisha kiwango kingine kuwa glukagoni kisha kuhifadhi mwilini. Kwa kuongeza uzalishaji wa insulin, dawa hii husababisha kushusha kiwango cha sukari wkenye damu.

Dawa kundi moja na Rosiglitazone

Dawa zingine zilizo kwenye kundi moja (Kundi la thiazolidinedione) na dawa hii ni;

• Pioglitazone

• Troglitazone

Rosiglitazone hutibu nini?

Hutumika kushusha sukari kwa wagonjwa wenye ugonjwa wa kisukari aina ya II

Upekee wa Rosiglitazone

Haisababishi sumu kwenye ini tofauti na dawa zingine kwenye kundi moja.

Mwingiliano wa Rosiglitazone na dawa zingine

Dawa hii haipaswi kutumika pamoja na dawa zifuatazo;

• Eluxadoline

• Ethanol

• Gemfibrozil

Wagonjwa wasiopaswa kutumia Rosiglitazone

Rosiglitazone haipaswi kutumika kwa wagonjwa wafuatao;

• Wagonjwa wenye aleji na dawa hii au dawa zingine jamii ya thiazolidinedione.

• Wagonjwa wenye moyo ulioferi.

Angalizo

Rosiglitazone inapaswa kutumika kwa tahadhari kwa wagonjwa wafuatao;

• Wagonjwa wa kisukari aina ya I

• Huweza kupelekea kuongezeka kwa uzito inapotumika pamoja na dawa zingine za kumeza za kisukari.

• Huweza kupelekea yai kutolewa kwa wanawake walio hatua za awali za komahedhi

Matumizi ya Rosiglitazone kwa mama mjamzito

Tafiti zilizofanyika kwa wanyama zinaonyesha hakuna madhara katika ukuaji wa mtoto ilipotolewa kwa panya na sungura wenye mimba hivyo inaweza kutumika kwa tahadhari kwa mama mjamzito endapo faida ni kubwa kuliko hatari kwa mama au mtoto.

Matumizi ya Rosiglitazone kwa anayenyonyesha

Hakuna taarifa juu ya upatikanaji wa dawa hii kwenye maziwa hivyo inapaswa kutumika kwa tahadhari endapo faida ni nyingi kuliko hatari kwa mtoto.

Maudhi ya Rosiglitazone

Baadhi ya maudhi madogo ya dawa hii ni;

• Kuongezeka kwa kiwango cha kolestro mwilini

• Kuongezeka kwa Sshinikizo la damu

• Moyo kuferi

• Kuharisha

• Maambukizi ya juu ya mfumo wa upumuaji

• Kichwa kuuma

• Kuongezeka uzito

• Sukari kushuka

• Maumivu ya misuli

Je endapo utasahau dozi yako ufanyaje?

Endapo ukisahau kutumia dozi yako ya rosiglitazone tumia mara pale utakapokumbuka. Eendapo muda wa dozi nyingine umekaribia sana, subiri ufike kisha utumie kama ulivyopangiwa na daktari wako.