top of page

Mwandishi:

Dkt. Sospeter M, MD

Mhariri:

Dkt. Lugonda B, MD

29 Aprili 2020 08:49:13

Semaglutide

Semaglutide

Semaglutide ni dawa mojawapo ya kutibu kisukari aina ya pili iliyo kwenye kundi la Glucagon like peptide 1 Agonisti.


Majina ya kibiashara ya Semaglutide


Dawa hii huwa maarafu kwa majina ya Ozempic na Rybelsus na hupatikana katika mfumo wa kidonge na majimaji.


Fomu na uzito wa Semaglutide


Dawa (Ozempic) hupatikana katika mfumo wa maji kwa ajili ya sindano katika uzito wa 1.34mg/mL


Pia hupatikana katika mfumo wa kidonge (Rybelsus) chenye uzito wa Milligramu zifuatazo;


  • 3mg

  • 7mg

  • 14mg


Namna Semaglutide inavyofanya kazi


Hufanya kazi kwa kuchochea kongosho kuzalisha homoni ya Insulin mara kiwango cha sukari kinapoongezeka kwenye damu.


Homoni ya Insulini husaidia seli za mwili kutumia na kuhifadhi sukari na hivyo kuiondoa kwenye dmau. Kufanya hivi kiwango cha sukari hupungua sana kwenye damu.


Dawa kundi moja na Semaglutide


Dawa kundi moja na Semaglutide (Glucagon Like Peptide 1 Agonisti) ni;


  • Liraglutide

  • Taspoglutide

  • Lixisenatide

  • Dulaglutide


Semaglutide hutibu nini?


Hutumika kudhibiti kiwango cha sukari kwenye damu kwa Wagonjwa wenye kisukari aina ya pili, pia hupunguza hatari ya magonjwa ya moyo.


Utofauti wa pekee wa dawa hii na dawa zingine za kwenye kundi hili la (GlP1 Inhibita):


Humfaa mgonjwa wa kisukari ambaye Metformin imeshindwa kuthibiti kiwango cha sukari kwenye damu.

Sio gharama kwa matumizi kwa mgonjwa wa kisukari sababu hutumika mara moja kila siku kwa siku 7 ukilinganisha na dawa zingine kwenye hili kundi.


Mwingiliano wa Semaglutide na dawa zingine


Dawa hii inapaswa kufuatiliwa kwa ukaribu inapotumika na dawa zifuatazo;


  • Tolbutamide

  • Tolazamide

  • Repaglinide

  • Nateglinide

  • Insulin lispro

  • Insulin isophane human

  • Insulin inhaled

  • Insulin glulisine

  • Insulin glargine

  • Insulin detemir

  • Insulin degludec

  • Insulin aspart

  • Ifosfamide

  • Glyburide

  • Glipizide

  • Glimepiride

  • Chlorpropamide


Wagonjwa wasioapswa kutumia Semaglutide


Dawa hii haipaswi kutumika kwa wagonjwa wafuatao;


  • Wagonjwa wenye aleji na dawa hiyo

  • Mwenye shida ya figo


Angalizo


  • Sio mbadala wa Insulin

  • Haipaswi kutumika kwa mtu mwenye kisukari aina ya kwanza

  • Huweza kupelekea kuvimba kwa kongosho

  • Huweza kupelekea figo kushindwa kufanya kazi

  • Huweza kupelekea uvimbe kwenye seli C za tezi ya thairoidi

  • Wagonjwa wanaotibiwa na dawa hii wameripotiwa kupata dayabetiki retinopathi


Matumizi ya Semaglutide kwa mama mjamzito


Kutokana na tafiti zilizofanywa kwenye uzazi wa wanyama, zipo hatari kwa mtoto. Endapo Semaglutide itatumika kwa mama mjamzito inapaswa kutumika kwa tahadhari endapo faida ni nyingi zaidi ya hatari kwa mtoto

Matumizi ya Semaglutide kwa mama anayenyoneysha


Kwa mama anayenyonyesha hakuna taarifa kamili, tafiti zinaonyesha Semaglutide kuingia maziwa ya panya anayenyonyesha. Inapaswa kutumika kwa tahadhari kwa mama anayenyonyesha endapo faida zitakuwa nyingi zaidi ya hatari kwa mtoto


Maudhi ya Semaglutide


Baadhi ya maudhi madogo ya dawa ni;


  • Kichefuchefu

  • Sukari kushuka

  • Kichefuchefu

  • Maumivu ya tumbo

  • Kuharisha

  • Choo kuwa kigumu

  • Tumbo kujaa gesi


Je endapo utasahau dozi yako ufanyaje?


Kama ukisahau dozi yako ya Semaglutide, tumia mara pale utakapokumbuka. Kama muda wa dozi nyingine umekaribia sana, subiri ufike kisha tumia kama ulivyoshauriwa na daktari wako.

ONYO: Usitumie dawa yoyote bila ushauri wa daktari. Dawa zinaweza kuleta madhara mwilini na pia matumizi ya baadhi ya dawa pasipo ushauri na vipimo husababisha  vimelea kuwa sugu dhidi ya dawa hiyo.
ULY clinic inakushauri kuwasiliana na daktari wako unapotaka kuchukua maamuzi yoyote yanayohusu afya yako.
Wasiliana na daktari/Mfamasia wa ULY clinic kwa ushauri na Tiba au kuandikiwa dawa kwa kupiga simu au Kubonyeza Pata tiba chini ya tovuti hii.

Imeboreshwa,

3 Novemba 2021 11:24:06

Rejea za mada hii:-

1.Medscape.Semaglutide.https://reference.medscape.com/drug/ozempic-rybelsus-semaglutide-1000174. Imechukuliwa 22/4/2020

2.Drugs.Semaglutide.https://www.drugs.com/mtm/semaglutide.html . Imechukuliwa 22/4/2020

3.WebMd.Semaglutide.https://www.webmd.com/drugs/2/drug-174490/semaglutide-subcutaneous/details. Imechukuliwa 22/4/2020

4.MedlinePlus.Semaglutide.https://medlineplus.gov/druginfo/meds/a618008.html. Imechukuliwa 22/4/2020
bottom of page