Spironolactone (Aldactone)

Spironolactone ni dawa mojawapo inayotumika kushusha shinikizo la juu la damu iliyo kundi la Potasiamu sparing diuretic.

Majina ya kibiashara

Spironolactone hufahamika kwa jina jingine la Aldactone.

Fomu na dozi ya Spironolactone

Spironolactone hupatikana katika mfumo wa kidonge chenye uzito wa;

• 25 mg

• 50 mg

• 100 mg

Ufanyaji kazi wa Spironolactone

Dawa jamii ya Potasiamu Sparing Diuretic ikiwa pamoja na Spironolactone hufanya kazi zifuatazo ili kupunguza shinikizo la damu ;

Hufanya kazi kwa kuzuia utendaji kazi wa homoni ya Aldosterone ambayo hufanya kazi ya kuthibiti kiasi cha sodiamu na maji kwenye damu. Kuzuia utendaji kazi wa homoni hii husababisha kupotea sana kwa maji na chumvi mwilini kwa njia ya mkojo hivyo kupunguza kiwango cha damu katika mishipa ya damu na shinikizo la damu ndani ya mishipa. Dawa hii pia huzuia kupotea kwa kiwango cha potasiamu kwenye damu, hii ndo maana jina la kundi hili limeitwa potasiamu sparing diuretics

Dawa kundi moja na Spironolactone

Dawa zingine zilizo kwenye kundi moja na dawa hii ni;

• Triamterene

• Amiloride

• Eplerenone

Spironolactone hutibu nini

• Hutumika kwa matibabu ya wagonjwa wenye shinikizo la juu la damu

• Hutumika kwa matibabu ya wagonjwa wa anjaina

• Hutumika kwa matibabu ya wagonjwa wa moyo ulioferi dalaja la iii na iv

• Hutumika kwa matibabu ya wagonjwa wa ini lililosinjaa (sirosisi)

• Hutumika kwa matibabu ya wagonjwa wenye kiwango cha chini cha potasiamu (Haipokalemia)

Upekee wa Spironolactone

Utofauti wa pekee wa dawa hii na dawa zingine za kwenye kundi hili ni;

Dawa hii huchukua muda mrefu zaidi ili kutenda kazi ukilinganisha na dawa zingine kwenye kundi hili

Mwingiliano wa Spironolactone na dawa zingine

Dawa hii haipaswi kutumika pamoja na dawa zifuatazo;

• Amiloride

• Drospironone

• Eplerenone

• Triamterene

Wagonjwa wasiopaswa kutumia Spironolactone

Dawa hii haipaswi kutumika kwa wagonjwa wafuatao;

Wagonjwa wenye mzio na dawa hii au zingine katika kundi lake

Wagonjwa wenye ugonjwa wa Addison

Angalizo

Tahadhari ya Spironolactone

Inapaswa kutumika kwa tahadhari kwa wagonjwa wenye matatizo ya figo

Nusu maisha na umetaboliwa Spironolactone

Dawa hii baada ya kutumiwa hufikia kileleni kwenye damu damu ndani ya saa moja na kudumu mwilini kwa saa 1.3 hadi 11.2. Mabaki ya dawa hutolewa kwa njia ya Mkojo kwa asilimia 47 hadi 57 na kinyesi kwa asilimia 35 hadi 41.

Matumizi ya Spironolactone wa mama mjamzito

Dawa hii inapaswa kutumika kwa tahadhari kwa mama mjamzito endapo faida ni nyingi kuzidi hatari

Matumizi ya Spironolactone kwa mama anayenyonyesha

Haipaswi kutumika kwa mama anayenyonyesha sababu huenekana kwenye maziwa baada ya kutumia dawa hii

Maudhi ya Spironolactone

Baadhi ya maudhi madogo ya dawa hi ini;

• Kutapika

• Haipokalemia

• Matiti kuuma

• Kizunguzungu

• Kichefuchefu

• Kuwashwa mwili

• Maumivu ya tumbo

• Maumivu ya kichwa

• Kupata vipele kwenye Ngozi

• Mwili kukosa nguvu

Mambo mengine ya kufahamu mgonjwa

Mgonjwa anatakiwa kushauriwa kutotumia dawa zingine za kuongeza madini ya potasiamu au vyakula vyenye potasiamu kwa wingi ikiwa pamoja na chumvi.

Je endapo utasahau dozi yako ufanyaje?

Endapo ukisahau kutumia dozi yako ya Spironolacton, tumia mara pale utakapokumbuka. Kama muda wa dozi nyingine umekaribia sana, subiria muda huo ufike kasha kunywa dozi hiyo moja na endelea kama ulivyoshauriwa na daktari wako.