Valsartan

Valsartan ni dawa mojawapo ya kutibu shinikizo la juu la damu katika kundi la dawa linaloitwa angiotensini II risepta antagonist (ARBs).

Majina ya kibiashara

Valsartan huwa maarufu pia kwa jina la

• Diovan au

• Prexxartan.

Fomu na uzito wa Valsartan

Valsartan hupatikana katika fomu ya kidonge chenye uzito wa ;

• 40mg

• 80mg

• 160mg na

• 320mg

Valsartan hupatikana katika mfumo wa maji wenye ujazo wa miligramu 4 kwa mililita (4mg/ml)

Ufanyaji kazi wa Valsartan

Dawa jamii ya ARBs ikiwa pamoja na Valsartan hufanya kazi zifuatvyo ili kupunguza shinikizo la damu.

Hufanya kazi kwa kufunga risepta za Angiotensin II zijulikanazo kama AT1 Risepta, risepta za AT1 hupatikana kwenye moyo,mishipa ya damu na figo. Vipokezi hivi vinapofungwa hupelekea Kutanuka kwa mishipa ya damu na kuwa na kipenyo kikubwa na kupelekea kushuka kwa shinikizo la damu

Hupinga uzalishwaji wa homoni ya Aldosterone ambayo hutumika kuthibiti kiasi cha sodiamu na maji, Kiasi cha sodiamu kinapothibitiwa husababisha kupungua kwa shinikizo la damu kwa kuwa chumvi na maji mwilini hupungua.

Dawa kundi moja na Valsartan

Valsartan ipo katika kundi sawa na dawa zifuatazo:

• Losartan ( Cozaar)

• Azilisartan (Edarbi)

• Candesartan (Atacand)

• Eprosartan (Teveten)

• Olmesartan (Benicar)

• Telmisartan(Micardis)

• Irbesartan (Avapro)

Valsartan hutibu nini?

Valsartan hutumika kushusha shinikizo la damu la juu

Mwingilino wa Valsartan na dawa zingine

Dawa hii haipaswi kutumika pamoja na dawa zifuatazo;

• Aliskiren

• Apalutamide

• Benazepril

• Captopril

• Enalapril

• Erdafitinib

• Fedratinib

• Fosinopril

• Idelalisib

• Ivosidenib

• Lisinopril

• Lithium

• Lofexidine

• Moexipril

• Perindopril

• Quinapril

• Ramipril

• Siponimod

• Trandolapril

• Voxelotor

Nani hapaswi kutumia Valsartan?

Dawa hii haipaswi kutumika kwa wagonjwa wenye mzio na dawa hii au dawa jamii ya ARBs

Angalizo

Valsartan inapaswa kutumika kwa tahadhari kwa wagonjwa wafuatao;

• Wagonjwa wenye moyo kuferi (CHF)

• Wagonjwa wenye riski ya kupata haipotesheni na haipokalemia

• Wagonjwa wenye shida ya figo kuferi

• Wagonjwa wenye shida ya anjioidima

Matumizi ya Valsartan kwa mama mjamzito

Haipaswi kutumika kwa mama mjamzito kwa sababu husababisha athari kwa mtoto.

Matumizi ya Valsartan kwa anayenyonyesha

Takwimu hazijaonyesha kuwa kuna uwezekano wa Valsartan kuingia au kuwa kwenye maziwa ya mtoto ila aishauriwi itumike kwa wamama wajawazito.

Upekee wa Valsartan

Valsartan baada ya kutumiwa huanza kazi yake baada ya masaa mawili na kufikia kilele kati ya masaa manne mpaka sita

Maudhi ya Valsartan

Baadhi ya maudhi madogo ya dawa hii ni;

• Kizunguzungu

• Maumivu ya kichwa

• Haipotesheni

• Maumivu ya tumbo upande wa juu

• Kikohozi kikavu

• Mwili kuchoka

Je kama umesahau dozi yako ufanyaje?

Kama umesahau kutumia dozi yako ya Valsartan, tumia mara pale utakapokumbuka, na endapo muda umekaribia wa dozi nyingine acha dozi uliyosahau na endelea na dozi yako kama ulivyopangiwa na daktari wako.