Upumuaji mzuri wakati wa ujauzito

Ukiwa kwenye hali ya kawaida, mjongeo wa kifua na upumuaji hufanyika kawaida kulinga na mahitaji ya mwili wako na unavyopenda. Wakati wa ujauzito, mtoto tumboni hukua na huchukua nafasi ya kutosha kiasi cha kupunguza nafasi kwa ajili ya kupumua vema. Hii ndo maana unaweza kuhisi kuishiwa pumzi wakati huu wa ujauzito.

Namna ya kutambua aina ya upumuaji wako kwenye ujauzito?

Endapo unataka kujua namna unavyopumua fanya yafuatayo;

• Kaa pozi zuri lenye uhuru(Unaweza kukaa au kulala)

• Weka mikono yako miwili eneo la chini ya mbavu/kifua

• Vuta pumzi kupitia pua kiasi cha kusukuma mikono yako uliyoweka chini ya kifua kwa jinsi unavyoweza. Toa pumzi kupitia mdomo. Rudia zoezi hili mara tatu kwa siku.

• Rudia zoezi hilo hapo juu wakati umeweka mikono kwenye tumbo

Madhara ya kuvuta pumzi vibaya wakati wa kujifungua

Ulipokuwa unavuta pumzi kwenye zoezi la hapo juu, kifua kilikuwa kinapanuka taratibu. Mijongeo ya kifua na tumbo ni muhimu sana wakati wa upumuaji wa kawaida. Kuvuta pumzi kunaweza kuwa hatari kwa mama na mtoto tumboni.

Hatari inatokea endapo

• Unapopumua haraka haraka haswa wakati uchungu upo kileleni

• Unaposimamisha pumzi

• Kupumua haraka haraka na si kwa kina. Hii husababisha hewa kidogo kuingia kwenye mapafu na hupelekea haipoventilesheni

• Kupumua taratibu na kwa kina huweza kusababisha haipaventilesheni na kupelekea kuhisi ganzi ya vitu kuchomachoma vidoleni.

Upumuaji wakati wa ujauzito na kujifungua

Wakati wa ujauzito na kujifungua, unahitajika kutilia umaanani kupumua kawaida. Wakati wa leba(uchungu) kila uchungu unavyotokea unatakiwa kuongeza upumuaji na kuvuta hewa kwa kina na kwa urahisi iwezekanavyo. Pumua kawaida bila kutumia nguvu za ziada.

Namna ya kupumua vema wakati wa kujifungua

Tumia pozi kama linaloonekana kwenye picha kisha pumua taratibu wakati unataka kuanza kufanya mazoezi yoyote yale.