Wiki ya 4 ya ujauzito

Nini hutokea mwilini mwako?

Mwili wako unapitia mabadiliko makubwa huku mpira mdogo wa seli ambao utakuwa mtoto wako unabadilika na kuwa kiinitete chenye tabaka nyingi.

Mabadiliko haya yanaweza kusababisha dalili kama vile;

• Maumivu ya tumbo la chini ya kubana

• Hisia za kuvimbiwa

• Hisia za juu na kushuka moyo

Dalili hizo hufanana kama dalili za kabla ya kuingia hedhi.

Wakati huu pia kifuko cha mimba na kifuko cha kiini hutengenezwa. Kifuko cha mimba na kiini hujazwa na maji ambayo hufanya kazi ya ulinda kiinitete kianchotengenezwa.

Kifuko cha kiini huzalisha damu na husaidia kukilisha kiinitete mpaka pale kitovu na kondo la nyuma litakapotengenezwa ili kufanya kazi hiyo.

Nini hutokea kwa mtoto tumboni?

Mfumo wa mishipa ya damu ya mtoto ( arteri, vena na kapilari) hukua na husaidia kusafirisha damu, oksijeni na virutubisho vingine kutoka mwilini mwako kwenda kwa mtoto kupitia kitovu cha mtoto.

Moyo wa mtoto pia huanza kufanya kazi na damu huanza kusukumwa. Ogani nyingine pia huanza kutengenezwa.

Hatua hii pia kiinitete huanza kuzalisha kichocheo human chorloric gonadotropin (hCG), kinachozalishwa baada ya kujipandikiza kwa yai lililochavushwa. Kuonekana kwa kichocheo hiki kwenye kipimo cha mkojo au damu hutumika kuthibitisha kuwa una ujauzito kama una ujauzito.

Mambo unayotakiwa fahamu

Kama ukijipima na kujikuta na ujauzito kwa kipimo hiki, unapaswa kuwasiliana na daktari kwa ushauri zaidi wa kulea ujauzito wako.

Majina mengine

Majina mengine yanayoendana na mada hii ni:

• Ujauzito wa wiki 4

• Mimba ya wiki 4

• Wiki 4 ya mimba

• Kijusi cha wiki 4

• Mwonekano wa ujauzito wa wiki 4

Masali yaliyoulizwa mara kwa mara na majibu yake