Elimu ya magonjwa kwa mjamzito

Taarifa kutoka kwa binadamu na wanyama zinatoa uzoefu wa kuwa diphenhydramine ni salama kutumika kwa wajawazito. Isipokuwa tafiti mmoja ambayo ilionyesha kuwa na mahusiano na mdomo sungura kwa mtoto mmoja aliyezaliwa na mama aliyetumia dawa hii wiki mbili kabla ya kujifungua. Kwa kuongezea matumizi kwenye muda wa wiki mbili kabla ya kujifungua kabla ya wakati wa ujauzito kufika, huhusiana na kuwa na hatari kubwa kusababisha madhaifu kwa kcihanga. Utafiti mmoja umependekeza kuwa dawa hii iwe chaguzi ya kwanza endapo kuna uhitaji wa kutumia dawa ya kuchoma kwenye mishipa jamii ya antihistamine

Tafiti zinaonyesha matumizi ya diclofenac katika kipindi cha 1 na cha 3 cha ujauzito huwa na hatari ya kupelekea madhaifu katika ujauzito na mtoto hivyo inashauriwa kutumia dawa zingine kipindi hiki.

Praziquantel si dawa inayosababisha matatizo ya kiuumbaji kwa kichanga, hata hivyo taarifa za matumizi kwa binadamu ni chache. Kutokuwepo kwa taarifa inafanya kutoweza jua madhara yaliyopo kwa watumiaji wa dawa hii. Taarifa za mpya zinaonyesha kuwa dawa hii inaweza kusababisha saratani au kubadilisha vina saba vinasaba vya binadamu haswa kwenye nchi ambazo dawa hii inatumika sana au kuna maambukizi makubwa ya mnyoo 'Trematodes' na 'Cestodes'

Matumizi ya aspirini wakati wa ujauzito haswa matumizi ya muda mrefu kwa dozi ndogo au matumizi ya mara moja moja katika dozi kubwa yanapaswa kuachwa. Dawa hii inaweza kudhuru hali ya ugandaji damu kwa mama na mtoto tumboni hivyo kuongeza hatari ya mtoto kufa, kutokuwa vema na ulemavu.

Ingawa taarifa zipo chache, matumizi ya fluconazole kipindi cha kwanza cha ujauzito huonekana kuongeza hatari ya kuzaa watoto wenye madhaifu ya kiuumbaji endapo dozi endelevu ya gramu 400 kwa siku au au zaidi itatumika. Madhaifu ya kiuumbaji hufanana nay ale ya Antley-Bixler syndrome. Mwandishi anaelezea kuwa dozi ndogo huwa haina madhara, kama ile inayotumika kutibu fangasi ukeni. Endapo dawa hii ni lazima kutumika katika matibabu ya maambukizi ya fangasi katika kipindi cha kwanza cha ujauzito, mama mjamzito anatakiwa kuelezwa kuhusu hatari ya kupata mtoto mwenye madhaifu ya kiuumbaji.