Elimu ya magonjwa kwa mjamzito

Kwa ujumla dawa jamii ya antihistamine zimeonekana kutokuwa na hatari ya kusababisha madhaifu ya kiuumbaji kwa watoto wanaozaliwa na wamama waliotumia dawa hii. Hata hivyo matumizi kwa wajawazito karibia na kujifungua kabla ya wakati kufika huhusiana na kusababisha fibroplasia ya retrolental

Ketoconazole ni yenye uwanja mkubwa wa kutibu fangasi aina mbalimbali, dawa hii imekuwa ikitumika bila kuleta mdhara kwa kichanga kwenye matibabu ya fangasi ukeni kwa mama mama mjamzito.Dawa hii ipo kundi sawa na watoto wa imidazole kama butoconazole, clotrimazole, econazole, miconazole,oxiconazole, sertaconazole,sulconazole, na tioconazole.

Ingawa hitimisho la baadhi ya ripoti zilizowasili zinachanganya kuhusu usalama wa metronidazole kwenye ujauzito, machapisho mbalimbali yanaonyesha dawa hii ina hatari kidogo ya kusababisha madhaifu ya maumbile kwa kijusi tumboni. Kwa sasa pia ni vigumu kuchunguza madai kuhusu hatari ya metronidazole kusababisha saratani kwa watoto, kwa sababu ya uchache wa watoto wanaozaliwa na saratani na uhaba wa taarifa hizo kutoka wamama waliotumia dawa hii, na kukosekana kwa tafiti zilizoangalia matumizi ya metronidazole na mchango wa sababu za kimazingira ambazo zinaweza changia kwa pamoja kusababisha saratani kwa watoto. Mzalishaji wa dawa anasema kwamba dawa hii haipaswi kutumika kwenye kipindi cha kwanza cha ujauzito kutibu ugonjwa wa trichomoniasis au vaginosis iliyosababishwa na bakteria, hata hivyo anashauri kutumika kwenye kipindi cha pili (2) na tatu(3) cha ujauzito kutibu magonjwa hayo. Endapo itahitajika kwa kazi nyingine, dawa hii itumike pale tu endapo hakuna dawa nyingine mbadala wake.

Tafiti nyingi zimechunguza matibabu ya Kifua kikuu kwa kutumia dawa hii na zote zilihitimisha kuwa rifampin haikuwa na uwezo wa kusababisha madhaifu ya kimaumbile kwa kijusi tumboni na hivyo kupendekeza dawa hii na isoniazid kutumika katika matibabu ya TB. Tafiti zingine zingine pia zimeonyesha kutokuwepo kwa madhara kwa kichanga.Endapo itatumika kwa watoto, inashauriwa kutumia dawa hii pamoja na vitamin K ili kumkinga kichanga kuumwa ugonjwa kuvuja damu wenye jina la hemorrhagic disease of the newborn.

Cephalexin kwa ujumla inaonekana kuwa salama kutumika wakati wa ujauzito na kunyonyesha, ingawa baadhi ya tafiti zimeonyesha uwezekano mdogo wa kuhusishwa na madhaifu ya kiuumbaji kutokana na sababu zingine zinazoweza kuchanganya matokeo. Kiasi kidogo hupita kwenye maziwa ya mama, lakini kwa kawaida haitoi madhara makubwa, hivyo wataalamu wengi huiainisha kama salama kutumia.