Shaba ni moja ya madini yenye umuhimu sana mwilini, hupatikana katika tishu zote mwilini na hufanya kazi ya kutengeneza chembechembe nyekundu za damu na kusaidia ufanyaji kazi wa neva na mfumo wa kinga ya mwili.

Pia husaidia mwili kutengeneza kolajeni ambayo husaidia kufyoza madini chuma na hufanya kazi katika uzalishaji wa nishati mwilini.

Madini ya shaba hupatikaka kwa wingi kwenye ini, figo, moyo, ubongo na mfumo wa maskuloskeleto.

Mwili unahitaki kiwango sawia ili ufanye kazi vizuri, kuvurugika kwa kiwango cha madini haya huweza kuathiri ufanyaji kazi wa ubongo na ogani zingine.

Umuhimu wa kiafya wa madini ya shaba

• Hupunguza kiwango cha kolestrol kwenye damu

• Huongeza uzalishaji wa chembe nyeupe za dam una hivyo kusaidia mwili kupambana na maradhi

• Huifanya mishipa kuwa imara na kufanya isivunjike kiurahisi

• Hutengeneza kolajeni kwa wingi mwilini

Upungufu wa madini shaba

Upungufu wa madini ya shaba hutokea kwa nadra na huweza kusababishwa na mambo yafuatayo;

• Matatizo ya ufyozwaji wa madini kwenye utumbo

• Kutumia kwa wingi dawa nyongeza za vitamin C na zinki

Madhara ya upungufu wa madini shaba

• Upungufu wa damu

• Kuchuka kwa joto la mwili

• Mifupa kuvunjika kiurahisi

• Ngozi kukosa ulinzi

• Matatizo katika tezi ya thairoidi

• Uraisi wa kupata maambukizi

Vyanzo vya madini ya shaba

• Mbegu za mazao mbalimbali

• Maharagwe

• Viazi

• Amira

• Mboga za kijani

• Matunda yaliyokaushwa

• Nyama za ini,figo na moyo

• Pilipili manga

Vidonge vya madini shaba vipo na vinaweza kutumiwa kwa wagonjwa wenye upungufu wa madini haya. Ni vyema kutumia vyakula vyenye shaba kwa wingi kwanza ili kupunguza hatari ya kupungukiwa madini haya.

Ni asilimia ndogo sana ya watu huhitaji kutumia vidonge vya madini ya shaba.

Vidonge nyongeza vya madini ya shaba havipaswi tumika na dawa zifuatazo;

• Baloxavir marboxil

• Omadacycline

• Penicillamine

• Sarecycline

• Aspirin

• Ibuprofen