Ingawa haina protini nyingi na kalisi kama ya soya, humeng’enywa vizuri zaidi na pia huvumiliwa na tumbo lenye matatizo.

Ingawa yanapatikana katika maduka mengi,yakiwa yameandaliwa tayari ,maziwa ya shayiri au vinywaji vya shayiri zinaweza kutengenezwa kwa urahisi nyumbani.Hatakama inaleta gramu 1.2 tu za protini katika kila gramu 100 [maziwa ya soya na ng’ombe kariba gramu 3 kwa gramu mia],maziwa ya shayiri pia yanageuka kuwa na virutubishi na mmeng’enyo mzuri.

Sifa

Kando ya zile za kawaida kwa maziwa ya mimea yote, maziwa ya shayiri;

• Ni chanzo cha protini na vitamin B

• Ni rahisi kumeng’enywa kuliko maziwa ya soya na ng’ombe .

• Ni kitulizo cha tumbo na utumbo.

• Kwa ujumla huvumiliwa na wale wagonjwa wenye matumbo yasiyovumilia gluteni.

• Hayana mizio na yanafaa kwa wale wenye mzio kwa maziwa ya ng’ombe.

• Yana nyuzinyuzi nyingi aina ya glykani zinazoyeyuka, zikiwa na uwezo wa kustawisha na kuwezesha uwiano wa ukuaji wa bakteria rafiki kwenye utumbo.

• Hupunguza kiwango cha lehemu na mafuta ya triglyceride.

• Huongeza umakini na kazi ya akili

Viungo

Ili kuandaa milo minne yenye wastani wa mililita 250 kila mlo unapaswa kuwa na;

• Gramu 150 za chenga za shayiri isiyokoborewa

• Tende 6 au tumia zabibu kavu isiyo na mbegu kiganja kimoja au molasi vijiko viwili vya chakula au sukari guru

• Vikombe 4 vya maji

• Mdalasini nusu kijiko cha chai cha

Maandalizi

Weka kwa pamoja tende, zabibu kavu au sukari katika kikombe kimoja cha maji kisha tia kwenye mashine ya kusagia matunda na usage mpaka upate mchanganyiko laini.