Kamusi Tiba ya ULY CLINIC
Ataxia
Ataxia ni neno tiba lenye jina la kiswahili la "Ataksia" ambapo ni hali ya kitabibu inayojitokeza pale ambapo kuna uharibifu au usumbufu katika mfumo wa neva unaodhibiti uratibu wa misuli, hasa serebelamu na miunganisho yake. Hali hii husababisha harakati zisizo sahihi, zisizo na mpangilio, au zisizo thabiti, licha ya nguvu za misuli kuwepo.
Benign positional vertigo
Ni neno tiba lenye jina la kiswahili la "Kizunguzungu cha mkao kisicho hatari"
ambapo ni hali ya mfumo wa usawa wa mwili inayotokea pale chembe ndogo za kalsiamu zinapohama kutoka sehemu yake ya kawaida na kuingia ndani ya mfereji ya nusu duara ya sikio la ndani na kusababisha upotoshaji wa taarifa za mkao wa kichwa zinazopelekwa kwenye ubongo, hali inayozalisha hisia ya mzunguko kila mtu anapogeuza au kuinamisha kichwa.
