Jinsi ya kupata mtoto wa kiume

Swali la msingi

Habari daktari, Je, ninawezaje kupata mtoto wa kiume?

Majibu

Namna ya kupata mtoto wa kiume: Uhakiki wa kisayansi na ufafanuzi wa uvumi

Wanandoa wengi hupenda kupanga jinsia ya mtoto kabla ya mimba, wakiwa na matumaini ya kupata mtoto wa kike au wa kiume. Swali la “Nawezaje kupata mtoto wa kiume?” ni la kawaida sana katika jamii, lakini linahitaji maelezo ya kina ya kisayansi ili kuepuka upotoshaji. Makala hii imechambua kitaalamu kuhusu suala hili, ikieleza ukweli, nadharia, na hali halisi kulingana na ushahidi wa kisayansi.

Jinsia ya mtoto huchaguliwa na mbegu ya mwanaume

Kisayansi, jinsia ya mtoto huamuliwa na mbegu ya kiume (sperm). Wanaume huzalisha aina mbili za mbegu:

• Mbegu Y – hupelekea mtoto wa kiume (XY)

• Mbegu X – hupelekea mtoto wa kike (XX)

Yai la mwanamke huwa na kromosomu X tu, hivyo ikikutana na mbegu Y kutoka kwa mwanaume, mtoto anakuwa wa kiume. Ikiwa itakutana na X, anakuwa wa kike. Kwa hiyo, mwanaume ndiye mwenye nafasi ya kubeba kromosomu inayoamua jinsia ya mtoto.

Nadharia maarufu ya kupata mtoto wa kiume

Nadharia maarufu kuhusu jinsi ya kuongeza uwezekano wa kupata mtoto wa kiume (lakini zisizo na uthibitisho mkali wa kisayansi) ni kama zifuatazoo;

a) Mbinu ya Shettles

Nadharia hii maarufu inaeleza kuwa:

• Mbegu za Y (kiume) ni nyepesi na huogelea haraka lakini hufa mapema.

• Mbegu za X (kike) ni nzito na huishi muda mrefu zaidi.

Mapendekezo ya mbinu hii ni:

• Kufanya tendo la ndoa karibu na siku ya uovuleshaji, (kuachia yai) ili mbegu za Y zipate nafasi ya kuifikia haraka.

• Kuepuka tendo la ndoa siku nyingi kabla ya ovulation ili mbegu za Y zisife kabla ya yai kuachiliwa.

Lakini: Ufanisi wa Mbinu ya Shettles bado ni wa utata na haujathibitishwa kitaalamu kwa kiwango cha kuaminika.

b) Lishe

Nadharia nyingine inasema kuwa lishe yenye sodiamu na potasiamu (chumvi na vyakula kama ndizi) huongeza nafasi ya kupata mtoto wa kiume. Hata hivyo, hakuna uthibitisho madhubuti unaoonyesha uhusiano wa moja kwa moja kati ya lishe na jinsia ya mtoto.

Njia za kitaalamu za kupanga jinsia

Njia hizi za kitaalamu zimewekwa kwa malengo maalum na hivyo hazitumiki kwa kila mtu. Katika baadhi ya nchi, teknolojia kama:

• Upimaji wa vinasaba kabla ya upandikizaji(PGD): Hutumika kuchagua jinsia kabla ya kupandikiza kiinitete baada ya uchavushaji unaofanyika kwenye chupa (Nje ya mfuko wa kizazi)

• Kuchambua manii: Hutenganisha mbegu za Y na X kabla ya upandikizaji kwa njia ya kuingiza mbegu kwenye kizazi au kuchavusha yai nje ya chupa ya uzazi kabla ya kupandikiza kiinitete kwenye kizazi.

Njia hizi hutumika zaidi kwa sababu za kiafya, mfano: Kuepuka magonjwa yanayoathiri jinsia fulani, na si kwa sababu ya hiari ya wazazi tu, na si halali katika baadhi ya nchi kwa sababu za kimaadili.

Ushauri

• Epuka ushauri holela wa mitaani kuhusu kupanga jinsia.

• Ongea na daktari bingwa wa afya ya uzazi kama una sababu maalum ya kutaka kupanga jinsia ya mtoto.

• Kumbuka kuwa kila mtoto ni zawadi, awe wa kiume au wa kike.

4. Hitimisho

Kwa njia za asili, hakuna njia ya uhakika 100% ya kuhakikisha mtoto wa kiume. Nadharia kama Shettles na lishe ni maarufu lakini hazina uthibitisho wa kisayansi wa kutosha. Ikiwa unatafuta njia za uhakika, basi zinapatikana kwenye teknolojia za kitaalamu kama upimaji wa vinasaba kabla ya upandikizaji, na kuchavusha yai kwenye chupa ambazo hufanyika kwa lengo maalumu la kiafya.