Nina mimba ya mwezi mmoja na nusu naweza tumia amlodipine kushusha presha?

Ripoti ya tafiti tatu zilizohusisha jumla ya wanawake wajawazito watano zinaelezea miishio ya matumizi ya amlodipne kwa ujauzito kama ifuatavyo;

• Watoto wawili kuzaliwa wakiwa hawana shida yoyote

• Kichanga mmoja alizaliwa hajakuwa vema (inafikiriwa kutosababishwa na dawa kutokana na muda wa kuanza kutumia dawa)

• Mtoto moja alikufa bila sababu kufahamika lakini inawezekana kuhusiana na dawa

• Mtoto moja alizaliwa na ugonjwa nadra wa ngozi unaodhaniwa kuhusiana na dawa

Taarifa za tafiti nyingine zaidi zinaonyesha amlodipine kuzuia ukuaji wa mtoto tumboni ukifananisha na dawa zingine za kushusha shinikizo la juu la damu wakati wa ujauzito.

Kutokana na taarifa hizo na zingine zilizofanyika kwa wanyama, amlodipine inaonekana kuwa na taarifa chache kuhusu matumizi yake kwa binadamu wajawazito, licha ya taarifa za wanyama kuoneysha kuwa na hatari ya wastani ya kusababisha madaifu ya kiuumbaji kwa mtoto tumboni.

Inashauriwa siku zote kutumia dawa ambazo zina taarifa nyingi kuhusu usalama wake wakati wa ujauzito kuliko dawa ambazo zina taarifa chache. Tumia dawa salama zaidi kwa afya ya kichanga aliye tumboni.

Soma zaidi kwenye usalama wa amlodipine kipindi cha ujauzito na kunyonyesha kwenye makala za usalama wa dawa kipindi cha ujauzito na kunyonyesha.