top of page

Aina za mafua

Updated: Nov 6, 2021


Je naugua mafua ya aleji au kirusi cha influenza?

Mafua ni ugonjwa unaowapata watu wengi sana duniani, hutokea kwenye umri wowote ule kama watoto watu wazima na wazee. Baadhi ya watu aina Fulani huweza kupata dalili kali na madhara makubwa kutokana na mafua. Makala hii imejikita kutofautisha mafua ya virusi na mafua ya aleji ili kusaidia kufahamu na kuchukua hatua za matibabu mara unapougua;


Dalili


Mafua ya virusi huwa na dalili gani


Mafua ya kirusi cha Infuenza huwa na dalili ambazo ni

  • Homa ya ghafla na kutetemeka

  • Misuli kuuma na maungio ya mwili

  • Maumivu ya kichwa

  • Uchovu mkali sana wa mwili

  • Kuziba kwa pua na kuchuruzika kwa mafua

  • Hisia za kuwa na homa

Mafua ya aleji huwa na dalili za

  • Kutokuwa na homa

  • Kuziba kwa pua

  • Kuchuruzika kwa mafua kutoka puani yenye rangi nyeupe membamba na yenye kunata

Visababishi

Mafua ya virusi husababishwa na virusi na husambazwa kwa njia ya;


  • Matone ya majimaji kutoka kwenye chafya au makohozi ya mtu mwenye mafua.


Mafua ya aleji husababishwa na

  • Vumbi la miili ya mende, kunguni, vumbi la wanyama na poleni za maua


Kuonekana kwa dalili


Mafua ya virusi

  • Dalili za mafua ya virusi huonekana ghafla na hudumu kwa wiki moja angalau

Mafua ya aleji

  • Huonekana wiki kadhaa hadi miezi na hutegemea mtu amekaa kwa muda gani kwenye viamsha aleji

Kinga


Mafua ya virusi

  • Kinga yake ni kuchomwa chanjo ya kirusi cha influenza

Mafua ya aleji


  • Kinga ya mafua haya ni kuepuka viamsha aleji au kufanya mambo yafuatayo

  • Kusafisha kapeti au kuondoa kapeti ndani ili kupunguza vumbi na uchafu wa wadudu kama mende n.k

  • Kutumia AC ili kupunguza vumbi la fangasi ndani ya nyumba


Matibabu

Mafua ya virusi

  • Watu hupona mara nyingi bila matibabu

  • Kupumzika, kunywa maji ya kutosha na matumizi ya panado kupunguza homa kwa wagonjwa wenye dalili kali

  • Kujifukiza ili kuzibua pua endapo umeshauriwa na daktari wako kunaweza saidia dalili zisiwe kali

Mafua ya aleji

  • Hutibiwa kwa matumizi ya dawa za kuweka kwenye pua

  • Matumizi ya dawa jamii ya antihistamine

  • Matumizi ya dawa za kuzibua pua

  • Kijifukiza ili kuzibua pua endapo umeshauriwa na daktari wako


Soma zaidi kuhusu mafua ya aleji au mafua ya virusi na tatizo la kupiga chafya mara kwa mara kwa kubonyeza mada husika


Rejea za mada hii

  1. https://journals.lww.com/tnpj/Citation/2008/09000/Diagnosing_Rhinitis__Viral_and_Allergic.5.aspx#. Imechukuliwa 12.11.2020

  2. Flue vaccine safety information. https://www.cdc.gov/flu/prevent/general.htm. Imechukuliwa 12.11.2020

  3. Cold, flue or allergy. https://newsinhealth.nih.gov/2014/10/cold-flu-or-allergy. Imechukuliwa 12.11.2020

  4. Can allergies cause a fever?. https://www.medicalnewstoday.com/articles/321502. Imechukuliwa 12.11.2020

329 views0 comments

Recent Posts

See All

Comments


bottom of page