Vidokezo vya Afya

Tafiti mpya zinaonyesha kuwa watoto wa umri wa miaka 0 hadi 22 ni wasambazaji wakubwa wa virusi vinavyosababisha COVID-19 licha ya kutoonyesha dalili zozote zile kama ilivyo kwa watu wazima. ULY CLINIC inakushauri uzingatie tahadhari za kujikinga na maambukizi kama kuvaa barakoa, kunawa mikono, kuepuka mikusanyiko na safari zisizo za lazima.

Window period ya HIV ni muda utakaopita tangu kupata maabukizi na kabla ya kutambulika kuwa na maambukizi ya HIV kwa kutumia aina fulani ya kipimo. Muda huu hutegemea aina ya kipimo na mwitikio wa kinga ya mwili.

Zinki huchochea uzalishaji wa homon testosterone, huongeza ubora wa manii na kupunguza hatari ya ugumba kwa mwanaume. Unaweza kupata zinki kwa wingi kwa kula nyama, samaki, mayai na uduvi.

Magonjwa mengi ya mfumo wa hewa kama Kifua kikuu, mafua ya virusi, nimonia na mengine husafirishwa kwa njia ya matone ya maji maji yanayotoka wakati mtu anakohoa au kupiga chafya. Zuia magonjwa haya kwa kufunika kinywa chako na kitambaa, tishu au kiwiko cha mkono.