Je, kuna dalili za kipekee za ukimwi?

Jibu kwa ufupi

Swali la mteja: "Habari daktari. Je, ukipata dalili za kichwa kuuma, mbavu kuuma na mwili kulegea ndio una UKIMWI, au magonjwa mengine kama UTI yanaweza kuwa na dalili hizi?"

Jibu kwa ufupi: Magonjwa mengi yana dalili hizi. Pima malaria, mkojo na VVU kama una hatari – usihukumu kwa dalili. Soma VVU na UKIMWI.

Maelezo

Magonjwa yenye dalili hizi

• UTI na maambukizi ya figo – maumivu ya mbavu au kiuno, homa, uchovu, kuungua ukikojoa.

• Malaria – homa, kichwa kuuma, mwili kuuma, baridi na joto.

• Homa ya matumbo (taifodi) – homa ya siku nyingi, kichwa kuuma, tumbo kuuma; kipimo cha Widal pekee si cha kuaminika.

• Mafua na virusi wengine.

• [TB](/magonjwa-na-saratani/kifua-kikuu-tb) – kikohozi zaidi ya wiki 2, jasho usiku, kupungua uzito.

• VVU (maambukizi mapya) – wiki 2 hadi 4 baada ya hatari; homa, koo, vipele, mitoki – soma Mafua siku ya pili baada ya tendo.

Nini cha kufanya

• Pima malaria ukiwa na homa.

• Pima mkojo ukiwa na maumivu ya kiuno au kuungua ukikojoa.

• Pima VVU kama una hatari – kuanzia wiki 4 na rudia wiki 12.

• Hatari ndani ya saa 72 – PEP.

• Wasiwasi ukiendelea licha ya vipimo hasi – soma Wasiwasi wa majibu hasi ya VVU.

Dalili za hatari

Nenda kituo cha afya mara moja ukiwa na:

• Homa kali na kuchanganyikiwa, degedege.

• Kupumua kwa shida.

• Shingo kukakamaa, kichwa kuuma sana.

• Homa kwa mjamzito au mtoto mdogo.

Lini umwone daktari

• Dalili zaidi ya siku 3.

• Homa za kurudia, kupungua uzito, kuharisha kwa muda mrefu.

Maswali yanayoulizwa mara kwa mara