Kidonda cha upasuaji kutoa usaha

Jibu kwa ufupi

Swali la mteja: "Daktari, naomba kufahamu sababu za kidonda cha upasuaji kutoa usaha na matibabu yake."

Jibu kwa ufupi: Usaha ni maambukizi. Nenda kituo cha afya ndani ya siku 1 – usisubiri wala kujitibu kwa dawa za kienyeji. Soma Kutunza kidonda cha upasuaji nyumbani.

Maelezo

Visababishi

• Bakteria kuingia kidondani wakati au baada ya upasuaji.

• Usafi duni wa kidonda, kugusa kwa mikono michafu.

• Kisukari, unene, sigara, upungufu wa damu, VVU isiyodhibitiwa.

• Damu kukusanyika chini ya kidonda.

• Uzi wa ndani kuleta mwitikio.

Matibabu

• Kufunguliwa sehemu yenye usaha na kusafishwa.

• Kuvalishwa bandeji safi mara kwa mara.

• Antibiotiki kama kuna maambukizi yanayoenea au homa.

• Kipimo cha usaha kujua bakteria kama inahitajika.

• Kudhibiti sukari kwa wenye kisukari.

Nini cha kufanya

• Weka kidonda safi na kikavu; badilisha bandeji kama ulivyoelekezwa.

• Nawa mikono kabla na baada ya kugusa kidonda.

• Usiweke dawa za kienyeji, unga au mafuta kidondani.

• Maliza antibiotiki ulizopewa.

• Kula lishe yenye protini.

• Kujikanda kwa maji ya moto – soma Maji ya moto kwenye kidonda cha upasuaji.

Dalili za hatari

Nenda hospitali mara moja ukiwa na:

• Homa kali, kutetemeka.

• Wekundu unaoenea haraka.

• Kidonda kufunguka – hasa ukiona utumbo au tishu za ndani.

• Maumivu makali ya tumbo baada ya upasuaji wa tumbo.

• Kizunguzungu, moyo kwenda mbio.

Lini umwone daktari

• Usaha kidogo, wekundu au maumivu yanayoongezeka.

• Kidonda hakipori baada ya wiki 2.

Maswali yanayoulizwa mara kwa mara