Kutokupata hedhi kwa muda: Je, ni sahihi kuanza dawa za uzazi wa mpango?

Jibu kwa ufupi

Maelezo ya mteja: "Sijaingia hedhi kwa miezi miwili. Hospitali walipima ultrasound wakasema sina shida, wakaniandikia dawa za kuanzisha hedhi. Duka la dawa wakaniambia dawa hizo si sawa, nianze vidonge vya uzazi wa mpango – na sijawahi kutumia njia yoyote. Nikitumia inakuwaje?"

Jibu kwa ufupi: Tumia dawa ulizoandikiwa hospitali. Hedhi isipokuja ndani ya wiki 1 hadi 2 baada ya kuzimaliza, rudi hospitali kwa uchunguzi zaidi. Soma Vidonge vya kupata hedhi.

Maelezo

Kukosa hedhi miezi 2

• Visababishi: msongo, uzito kubadilika, mazoezi makali, PCOS, tezi ya shingo, homoni ya maziwa (prolactin), uvimbe wa pituitari, au mimba.

• Kipimo cha mimba kirudiwe kabla ya kuanza dawa yoyote ya homoni.

Dawa za kuanzisha hedhi

• Projestojeni kwa siku chache; damu huja siku 2 hadi 7 baada ya kuacha – soma Norethisterone na hedhi.

• Damu ikija, huonyesha mwili una estrojeni ya kutosha na njia iko wazi – husaidia kujua chanzo.

Ukianza vidonge vya uzazi wa mpango sasa

• Damu itakuja kila mwezi kwa nguvu ya dawa, si kwa mwili kurudi kawaida.

• Chanzo (k.m. PCOS, tezi) kitabaki bila kutibiwa na kinaweza kufichika.

• Unaweza kupata maudhi: kichefuchefu, matiti kuuma, matone ya damu.

• Vidonge hivi vinafaa kwa uamuzi wa pamoja na daktari – k.m. kwa PCOS au ukihitaji uzazi wa mpango.

Nini cha kufanya

• Tumia dawa za hospitali kama ulivyoelekezwa.

• Hedhi isipokuja wiki 1 hadi 2 baada ya kumaliza dawa – rudi hospitali.

• Pima mimba kabla ya kuanza dawa za homoni.

• Uliza daktari kama unahitaji vipimo vya homoni.

• Soma Kwa nini piriodi imesimama.

Dalili za hatari

• Maumivu makali ya tumbo upande mmoja na kizunguzungu – hospitali mara moja.

Lini umwone daktari

• Hedhi haijaja miezi 3 au zaidi.

• Maziwa kutoka matitini bila kunyonyesha, kichwa kuuma, macho kuona ukungu.

• Nywele nyingi usoni, chunusi, uzito kuongezeka – PCOS.

Maswali yanayoulizwa mara kwa mara