Manjano kwa mtoto

Jibu kwa ufupi

Jibu kwa ufupi: Mtoto mwenye manjano apimwe kituo cha afya mapema. Usisubiri kumwanika juani – hakupimi wala kutibu manjano makali kwa usalama. Soma Njano kwa kichanga.

Maelezo

Manjano ya kawaida na ya hatari

• Ya kawaida – huanza siku ya 2 hadi 3, hupungua kufikia wiki 1 hadi 2, mtoto ananyonya vizuri – soma Njano wiki ya kwanza.

• Ya hatari – saa 24 za kwanza; kufika tumboni, viganja na nyayo; kudumu zaidi ya wiki 2 (wiki 3 kwa njiti); kinyesi cheupe na mkojo mweusi.

Kwa nini ni hatari

Bilirubini nyingi huingia ubongoni na kuleta uharibifu wa kudumu (kernicterus) – ulemavu wa mwili, kutosikia na degedege. Hutibika vizuri ikigunduliwa mapema.

Kumwanika juani

• Hakupendekezwi na WHO kama tiba ya manjano.

• Jua la nje lina joto na mionzi isiyo salama – huleta upungufu wa maji na kuungua.

• Huchelewesha kupata tiba sahihi.

Nini cha kufanya

• Mnyonyeshe mara 8 hadi 12 kwa siku – husaidia kutoa bilirubini kwa kinyesi.

• Angalia rangi ya macho na ngozi kwenye mwanga wa mchana kila siku wiki ya kwanza.

• Mpeleke kliniki siku ya 3 baada ya kuzaliwa kama ulitoka hospitali mapema.

• Usimpe maji wala dawa za kienyeji.

Dalili za hatari

Mpeleke hospitali mara moja ukiona:

• Manjano saa 24 za kwanza.

• Manjano viganja na nyayo.

• Hanyonyi, analegea, analala sana au analia kwa sauti kali.

• Degedege, mgongo kujikunja nyuma.

• Homa au mwili baridi – soma Dalili za hatari kwa kichanga.

Lini umwone daktari

• Manjano zaidi ya wiki 2 (wiki 3 kwa njiti).

• Kinyesi cheupe au cha udongo, mkojo mweusi.

Maswali yanayoulizwa mara kwa mara