Mtoto kutocheza tumboni kwa wakati

Jibu kwa ufupi

Swali la mteja: "Habari daktari, mke wangu ametimiza wiki 21 za ujauzito wa pili lakini bado hajahisi mtoto kucheza. Kuna tatizo?"

Jibu kwa ufupi: Mara nyingi si tatizo, lakini nendeni kliniki wiki hii kusikiliza mapigo ya moyo wa mtoto. Asipohisi kabisa kufikia wiki 24 – ultrasound. Soma Hisia za mtoto kucheza tumboni.

Maelezo

Sababu za kuchelewa kuhisi

• Kondo la nyuma liko mbele ya tumbo – hupunguza hisia.

• Unene wa tumbo.

• Kutotambua – mwanzoni huhisiwa kama mapovu, vipepeo au gesi.

• Umri wa mimba umekosewa – mimba ni changa kuliko inavyodhaniwa.

• Mara chache – tatizo la mtoto au maji kidogo; ndiyo maana uchunguzi unahitajika.

Jinsi ya kuhisi vizuri

• Lala ubavu wa kushoto mahali tulivu, mikono juu ya tumbo.

• Baada ya kula au jioni mtoto huwa macho zaidi.

• Usitarajie mateke makubwa – mwanzoni ni miguso hafifu.

Nini cha kufanya

• Hudhuria kliniki – mapigo ya moyo husikilizwa kwa Doppler.

• Ultrasound ya wiki 18 hadi 22 huchunguza mtoto, kondo na maji.

• Kuanzia wiki 28 – hesabu mtoto kucheza kila siku; mara 10 ndani ya saa 2 akiwa macho.

• Soma Tumbo la ujauzito huanza kuonekana lini?.

Dalili za hatari

Nenda kituo cha afya mara moja ukiwa na:

• Mtoto aliyekuwa akicheza amepunguza au ameacha kucheza (hasa baada ya wiki 24).

• Damu au maji kutoka ukeni.

• Maumivu makali ya tumbo.

Lini umwone daktari

• Hujahisi mtoto kucheza kabisa kufikia wiki 24.

• Tumbo halikui kama inavyotarajiwa.

Maswali yanayoulizwa mara kwa mara