Tumbo la ujauzito huanza kuonekana lini?

Jibu kwa ufupi

Jibu kwa ufupi: Tumbo kuonekana hutofautiana; kipimo cha urefu wa tumbo kliniki ndicho huonyesha kama mtoto anakua vizuri. Soma Ukubwa wa mimba ya miezi mitatu.

Maelezo

Kizazi kinavyopanda

• Wiki 12 – juu kidogo ya mfupa wa kinena.

• Wiki 20 – karibu na kitovu.

• Wiki 36 – chini ya mbavu.

• Kuanzia wiki 24 – urefu wa tumbo kwa sentimita ≈ wiki za mimba (tofauti ya sentimita 2 hadi 3 ni kawaida).

Huonekana mapema kwa

• Waliowahi kuzaa, mapacha, maji mengi ya uzazi, fibroids, mama mwembamba.

Huonekana baadaye kwa

• Mimba ya kwanza, misuli imara, unene, mama mrefu.

• Mara chache – mtoto mdogo kwa umri au maji kidogo; soma Maji kidogo kwenye chupa ya uzazi.

Nini cha kufanya

• Hudhuria kliniki angalau mara 8 – urefu wa tumbo hupimwa kila mara.

• Ultrasound ya mapema huthibitisha umri wa mimba.

• Usilinganishe tumbo lako na la wengine.

• Kuanzia wiki 28 – fuatilia mtoto kucheza kila siku.

Dalili za hatari

Nenda kituo cha afya mara moja ukiwa na:

• Mtoto kucheza kidogo au kutocheza.

• Damu au maji kutoka ukeni.

• Tumbo kukua ghafla sana pamoja na kupumua kwa shida.

Lini umwone daktari

• Tumbo halijaonekana kabisa kufikia wiki 24 hadi 28.

• Kliniki imesema tumbo ni dogo au kubwa kuliko umri wa mimba.

• Hujahisi mtoto kucheza kufikia wiki 24 – soma Mtoto kucheza miezi mitatu.

Maswali yanayoulizwa mara kwa mara