Mwanamke aliehalibikiwa ujauzito anaweza kupata ujauzito mwingine ndani ya miezi 6?

Jibu kwa ufupi

Jibu kwa ufupi: Unaweza kujaribu tena mara utakapojisikia tayari na damu imekoma. Anza folic acid sasa. Kama hutaki mimba sasa, anza uzazi wa mpango mara moja. Soma Mambo ya kufanya baada ya mimba kutoka.

Maelezo

Ushahidi

• Uchambuzi wa tafiti (zaidi ya wanawake milioni 1) – mimba ndani ya miezi 6 ilikuwa na hatari ndogo zaidi ya kuharibika tena na ya kuzaa njiti.

• Wanandoa walioanza kujaribu ndani ya miezi 3 walipata mimba haraka zaidi bila hatari ya ziada.

Wanaohitaji kusubiri au ushauri maalumu

• Mimba zabibu (molar) – subiri hadi kipimo cha hCG kiwe sawa na ruhusa ya mtoa huduma.

• Mimba nje ya kizazi iliyotibiwa kwa methotrexate – subiri miezi 3.

• Mimba kuharibika mara 3 au zaidi, au baada ya miezi 3 ya ujauzito – uchunguzi kwanza; soma Mimba kuharibika miezi mitano.

• Upungufu wa damu, maambukizi, au huzuni kubwa – tibu kwanza.

Nini cha kufanya

• Subiri damu ikome na ujisikie tayari – soma Muda wa ngono baada ya mimba kutoka.

• Folic acid kila siku kabla ya kushika mimba.

• Kula vizuri; madini chuma kama ulipoteza damu nyingi.

• Pima kisukari, presha, VVU na kaswende kama hujapima.

• Anza kliniki mapema mimba ikiingia – ultrasound ya mapema.

• Soma Kikokotoo: uwezekano wa kushika mimba baada ya mimba kutoka.

Dalili za hatari

Nenda kituo cha afya mara moja ukiwa na:

• Damu nyingi, homa au uchafu wenye harufu baada ya mimba kutoka.

• Mimba mpya yenye maumivu makali upande mmoja au damu – soma Dalili za mimba kuharibika.

Lini umwone daktari

• Mimba imeharibika mara 2 au zaidi.

• Hujashika mimba baada ya mwaka 1 wa kujaribu (miezi 6 kama una miaka 35+).

• Huzuni au wasiwasi mkubwa baada ya kupoteza mimba.

Maswali yanayoulizwa mara kwa mara