top of page

Mwandishi:

Mhariri:

ULY CLINIC

Dkt. Adolf S, MD

6 Desemba 2020 16:54:56

Kuharisha kinyesi cheusi
shahawa-zenye-damu-ulyclinic-compressor.

Kuharisha kinyesi cheusi

Kuharisha hutokea endapo kinyesi hakichatengenezwa vema ndani ya utumbo, hii hutokea kama maji hayajafyonzwa kwa kiwango cha kutosha katika mfumo wa utumbo mpana na hivyo kusababisha kutoa kinyesi kilaini zaidi kwa jina la uharo. Sababu mbalimbali zinaweza kupelekea kuharisha (zisome katika makala ya kuharisha). Katika makala hii utajifunza sababu za kuharisha kinyesi chenye rangi nyeusi.


Ni salama kuharisha kinyesi cheusi?


Kuharisha kinyesi chenye rangi nyeusi huweza kusababishwa na sababu za hatari zinazotakiwa kugunduliwa na kupatiwa ufumbuzi mapema au kusababishwa na sababu za kawaida ambazo hupaswi kuwa na hofu nazo. Hivyo endapo unaharisha kinyesi cheusi ni vema kuwasiliana na daktari wako kwa uchunguzi wa kutambua kisababishi, na ikiwa unafahamu kisababisha baada ya kusoma makala hii huna haja ya kuwa na hofu kwani hali yako itarejea sawa baada ya kuepuka kisababishi.


Visababishi


Sababu zinazopelekea kuharisha kinyesi cheusi ni;


  • Kuvilia kwa damu ndani ndani ya tumbo au sehemu za mwanzo ya utumbo mwembamba- hii huweza kusababishwa na vidonda vya tumbo au madhaifu mengine katika kuta za mfumo juu wa chakula

  • Kutumia madini chuma mfano vidonge vya madini chuma au dawa za kuongeza damu zenye madini chuma

  • Kutumia dawa zenye madini risasi

  • Kula vyakula vya rangi ya bluu au nyeusi mfano furu n.k

  • Kunywa dawa za kienyeji zenye rangi ya bluu au nyeusi


Vihatarishi


Vihatarishi vya kuharisha kinyesi chenye damu ni;


  • Kuwa na magonjwa kwenye ini

  • Saratani ndani ya mfumo wa chakula

  • Kuchanika kwa mrija wa esophagus

  • Maambukizi kwenye tumbo

  • Ischemia kwenye utumbo

  • Vidonda vya tumbo

  • Kuvimba kwa mishipa ya damu ya esophagus(varices)

  • Matumizi ya muda mrefu wa dawa jamii ya NSAIDS kama aspirini, diclofenac n.k


Maelezo zaidi


Kusoma zaidi kuhusu kuharisha na matibabu ya nyumbani ingia kwenye makala ya kuharisha.

ULY CLINIC inakushauri siku zote uwasiliane na daktari wako kwa ushauri na tiba zaidi kabla ya kuchukua hatua yoyote ile ya kiafya baada ya kusoma makala hii.

Wasiliana na daktari wa ulyclinic kwa ushauri zaidi na tiba kwa kutumia namba za simu au kubonyeza link ya Pata Tiba chini ya tovuti hii

Imeboreshwa, 

19 Julai 2023 19:54:47

Soma dalili zingine Zaidi kwa kubonyeza herufi ya mwanzo hapa chini

[A] [B] [C] [D] [E] [F] [G] [H] [I] [J] [K] [L] [M] [N] [O] [P] [Q] [R] [S] [T] [U] [V] [W] [X] [Y] [Z] [Z] [#]

Rejea za mada

1. What Are the Causes of Black Stool?. https://www.verywellhealth.com/causes-of-black-stool-1941711# . Imechukuliwa 4.12.2020
2. Why Are My Stools Black?. https://www.healthline.com/health/bloody-or-tarry-stools. Imechukuliwa 4.12.2020
3. Alarm Symptoms: A Cause for Alarm?. https://iffgd.org/symptoms-causes/alarm-symptoms.html. Imechukuliwa 4.12.2020
4. Bowel and Bladder Problems. https://www.cancer.org/treatment/treatments-and-side-effects/physical-side-effects/stool-or-urine-changes.html. Imechukuliwa 4.12.2020
5. Stool color: When to worry. https://www.mayoclinic.org/stool-color/expert-answers/faq-20058080. Imechukuliwa 4.12.2020

bottom of page