Dalili na viashiria vya magonjwa mbalimbali

Leba ni tendo la kifiziolojia ambalo linalomtoa mtoto pamoja na kondo la nyuma kutoka kwenye mfuko wa uzazi. Leba kwa jina jingine ni uchungu wa uzazi anaopata mwanamke ili kumsaidia kutoa mtoto ndani ya kifuko cha uzazi

Mimba ni matokeo ya muunganiko kati ya mbegu ya kiume na yai la mwanamke, muunganiko huu huitwa urutubishaji (fetelaizesheni). Urutubishaji hutokea kwenye mirija ya via vya uzazi wa mwanamke sehemu iitwayo falopiani.

Ovulation ni kitendo cha kutolewa kwa yai kutoka kwenye ovari, yai linapotolewa na ovari husafirishwa kwenda kwenye mji wa mimba(mfuko wa uzazi) kupitia mirija ya fallopio.

Mimba kuharibika, kitaalamu miskerieji, ni mimba kutoka yenyewe kabla mtoto hajaweza kuishi nje ya tumbo la mama. Nchini Tanzania, mimba inayotoka kabla ya wiki 28 huhesabiwa kuwa imeharibika, wakati miongozo mingi ya kimataifa hutumia wiki 20 hadi 24. Takribani mimba 1 kati ya 5 zinazojulikana hutoka, nyingi zikiwa ndani ya wiki 12 za kwanza, na mara nyingi chanzo ni kasoro za vinasaba vya mimba yenyewe, si kosa la mama.

Kutapika nyongo kwa mjamzito ni kutapika majimaji ya njano au kijani, mara nyingi baada ya kutapika chakula chote tumboni au tumbo likiwa tupu, kama asubuhi kabla ya kula. Hutokea zaidi kati ya wiki 6 na 12 za ujauzito, kipindi ambacho homoni za mimba, hasa hCG, hupanda haraka. Kwa wajawazito wengi kichefuchefu na kutapika hupungua kufikia wiki 16 hadi 20.