Dalili na viashiria vya magonjwa mbalimbali

Mjamzito yeyote anayetapika sana anaweza pata dalili ya kutapika nyongo haswa katika kipindi cha wiki 6 hadi 12 za ujauzito. Zuia dalili hii kwa kula kiasi kidogo cha chakula mara nyingi, kula chakula kisichotiwa viungo vingi, kutoruka mlo wa usiku, kupumzika au kutumia dawa za kuzuia kichefuchefu.

Kutapika nyongo ni dalili inaonekana endapo utatapika majimaji yenye rangi ya kijani au njano inayoelekea kijani. Visababishi vikuu ni kutapika sana wakati tumbo halina kitu, kunywa pombe nyingi, kula sumu ya chakula, homa ya asubuhi, kuziba kwa utumbo na ugonjwa wa kucheua nyongo. Wasiliana na daktari kwa ushauri na tiba kama dalili hii imedumu zaidi ya siku 3.

Maumivu ya tumbo au sehemu ya chini ya kifua upande wa kulia wakati wa mazoezi hutokana na mvutano wa ogani zilizoshikana na ukuta wa dayaframu. Kula mlo mkubwa na vinywaji vyenye sukari nyingi muda mfupi kabla ya mazoezi, kufanya zoezi geni, kali au kwa muda mrefu zaidi huchochea maumivu haya.

Shambulio la kizunguzungu pozi kipole (SKPKP) ni moja ya kisababishi kikuu cha hisia ya ghafla ya kuzunguka au kuhisi vilivyomo ndani ya kichwa vinazunguka kwa kipindi kifupi nahuweza kutokea na dalili za wastani au kali.

Majimaji (ute) ya kawaida yanayotoka ukeni huzalishwa na tezi ndogo zinapatikana kwenye tundu la uke na shingo ya kizazi. Majimaji au ute huu hutoka kila siku ili kuondoa chembe zilizokufa na uchafu na kufanya uke uwe kwenye hali safi ya kiafya.