Elimu ya magonjwa kwa mjamzito

Kwa ujumla dawa jamii ya antihistamine zimeonekana kutokuwa na hatari ya kusababisha madhaifu ya kiuumbaji kwa watoto wanaozaliwa na wamama waliotumia dawa hii. Hata hivyo matumizi kwa wajawazito karibia na kujifungua kabla ya wakati kufika huhusiana na kusababisha fibroplasia ya retrolental.

Meclizine ni piperazine aina ya antihistamine inayotumika sana kama dawa kichefuchefu na kutapika. Kwa ujumla dawa jamii ya antihistamine huchukuliwa kuwa na hatari kidogo za kusababisha madhara ya kiuumbaji kwa kichanga, hata hivyo, matumizi karibia na kujifungua kabla ya muda kufika huongeza hatari ya vichanga kuzaliwa na tatizo la kiuumbaji la fibroplasia ya retrolental

Stavudine ni dawa jamii ya NRTI inayotumika kutibu maambukizi ya VVU. Taarifa za wanyama na binadamu zinaonyesha kuwa stavudine inahatari kidogo ya kusaabisha ulemavu kwa kijusi na kichanga tumboni.

Taarifa za tafiti zimeonyesha kuwa dawa jamii ya PPI ikiwa pamoja na Omeprazole zina hatari kidogo ya kusababisha ulemavu kwa vichanga ikitumika wakati wa ujauzito. Hata hivyo kuna kuna taarifa chache za uzoefu wa matumizi yake kwa binadamu wajawazito.

Mebendazole inatumika kipindi cha ujauzito kwenye matibabu ya minyoo jamii ya 'Ascaris lumbricoides' kwa jina jingine ' Roundworm', 'Trichuris trichiura' au 'Whipworm' na 'Enterobius vermicularis' kwa jina jingine 'Threadworm', 'Seatworm' au , 'Pinworm'. Dawa piperazine inaweza kutumiaka pia kwa matibabu ya minyoo hii kama kutokana na mapendekezo ya tafiti zingine.