Elimu ya magonjwa kwa mjamzito

Leba bandia inaweza kutokea wiki 1 au 2 kabla ya leba ya kweli, wakati huu mjamzito huhisi mjongeo wa misuli ya kizazi isiyo na utaratibu inayoambatana na uchungu kidogo kuliko wa wakati wa leba ya kweli.

Kutokwa maji au damu ukeni, kupunguza kucheza kwa mtoto, maumivu ya kubana na kuachia kwa tumbo, kuongezeka kwa shinikizo la damu, kuvimba mwili, homa, kupoteza fahamu na kutoona vema ni miongoni mwa dalili za hatari wakati, fika hospitali haraka kwa uchunguzi.

Mkojo wa mtoto akiwa tumboni mwa mama ni chanzo kikuu cha uzalishaji wa maji ya chupa ya uzazi, mtoto hupunguza maji haya kwa kunywa. Madhaifu katika tumbo la mtoto na ya mfumo wa fahamu hupelekea maji kuwa mengi.

Dalili za kifafa hutokea sana wakati wa ujauzito katika kipindi cha kwanza kwa takribani asilimia 25 hadi 50 ya wanawake wenye kifafa. Kudhibiti kifafa huambatana na matokeo mazuri kwa mama na mtoto tumboni.

Mlo kamili husaidia kuimarisha afya ya uzazi kwa kuongeza ubora wa mbegu za kiume na mchakato mzima wa uovuleshaji.