Mwandishi:
Imeboreshwa:
ULY CLINIC
15 Novemba 2026, 07:51:30

Homa ya ini (hepatitis)
Majina mengine: homa ya kirusini; homaini; hepatitis (Kiingereza)
Aina ya neno: ugonjwa
Maana: uvimbekinga wa tishu za ini.
Maelezo zaidi
Hepatitis A na E: huambukizwa kwa chakula/maji machafu; mara nyingi hupona.
Hepatitis B, C, D: huambukizwa kwa damu, kujamiana na kutoka kwa mama kwenda kwa mtoto; zinaweza kuwa sugu na kuleta ini kusinyaa (cirrhosis) na saratani ya ini.
Dalili: uchovu, kichefuchefu, maumivu chini ya mbavu za kulia, manjano, mkojo mweusi – lakini wengi wenye aina sugu hawana dalili.
Kuzuia: chanjo ya homa ya ini B (watoto wachanga na watu wazima walio hatarini), usalama wa damu na sindano, kondomu, usafi wa chakula na maji.
Lini umwone mtaalamu wa afya
Manjano, kuchanganyikiwa, kutokwa na damu, tumbo kujaa maji; au kupima homa ya ini B kama hujawahi kupima.
Tazama pia: Uvimbekinga mkali wa ini (acute hepatitis); Virusi vya homa ya ini (hepatitis viruses)
Imeandikwa:
29 Oktoba 2026, 16:34:25

