Vidokezo vya Afya

Ivermectin, inayotumika kutibu maradhi ya vilemea mbalimbali, imeonekana katika tafiti kuwa na uwezo wa kuzuia usafirishaji wa protini muhimu zinazotengeneza kirusi, kuzuia kujishikiza kwa kirusi kwenye ukuta wa seli ya binadamu na kuzuia uzalishaji wa kemikali zinazoleta dalili kali za COVID-19.

Kufanya ngono salama itakulinda dhidi ya mimba zisizotarajiwa na maradhi ya VVU, kaswende, kisonono n.k. Ili ufanye ngono salama, fahamu na tumia kinga zilizopo, mfano PrEP itakukinga kupata VVU, kondomu itakukinga kupata mimba, magonjwa ya zinaa ikiwa pamoja na VVU. Jali afya yako kwanza.

Chakula bora ni mlo kamili unaoshauriwa kiafya, mtu mzima anapaswa kula angalau gramu 400 za mchanganyiko wa matunda mbalimbali na mboga za majani kila siku. Fanya hivi ili ujiepushe na magonjwa mengi kama kisukari, magonjwa ya moyo, kiharusi na saratani.

Pata kifungua kinywa cha kiafya, kula matunda na mboga za majani angalau mara tatu kwa siku, kula chakula kutoka kwenye nafaka zisizokobolewa, tumia chakula kilichopikwa kwa mafuta ya kiafya na fanya mazoezi angalau dakika 30 kila siku. Tabia hizi zitaufanya mwili wako uwe imara na afya njema.

Kwa kutumia maji safi na salama, utajikinga na magonjwa ya tumbo zaidi ya 20, ikiwa pamoja na homa ya taifodi, kipindupindi, giardiasis, dysentery, salmonellosis, Hepatitis A n.k. Kunywa, piga mswaki, safisha matunda na mboga za majani kwa maji safi yaliyotiwa chlorine au kuchemshwa, kula chakula kilichoiva vema na kutoa mvuke.