Vidokezo vya Afya

Tumia gramu 28 sawa na karanga 12 za lozi kila siku ili kupunguza na kutibu tatizo la kukosa usingizi na wasiwasi uliopitiliza. Karanga hii huongeza kiwango cha hormoni serotonin, homoni inayokufanya uwe mtulivu na ulale usingizi mwororo.

Magonjwa ya mama katika ujauzito kama kaswende huweza kumpata mtoto akiwa tumboni. Pima afya yako unapopanga kupata ujauzito, pima, pata tiba na jikinge kupata maradhi kwa usalama wa kichanga tumboni.

Mazoezi, kuacha msongo, maongezi na mwenza, kuweka manjonjo wakati wa tendo, kuacha tabia hatarishi na kula mlo wa kingono ni baadhi ya njia za kuchochea hisia za kufanya ngono kwa mwanamke.

Watoto wanapaswa kunywa maji vikombe 2 hadi 8 vya chai kwa siku huku wakiepushwa kutumia vinywaji vyenye sukari. Ni muhimu umpe kiasi hicho cha maji siku zote bila kujali majira ya mwaka, hata hivyo mahitaji ya maji huongezeka zaidi wakati wa mazoezi, homa ya kuharisha n.k.

Kutokwa damu baada ya kutumia misoprostol hutegemea umri wa ujauzito, na kawaida hudumu kwa siku 3 hadi 14. Mgonjwa anapaswa kumuona daktari haraka akiona damu nyingi kupita kiasi, homa, maumivu makali au harufu mbaya.