Hisia za mtoto kucheza mapema zaidi wakati wa ujauzito

Jibu kwa ufupi

Swali la mteja: "Habari daktari, mimi ni mjamzito wa wiki 15 na nasikia mtoto akicheza. Je, ni sahihi kwa mimba ya kwanza?"

Jibu kwa ufupi: Inawezekana, lakini mara nyingi ni gesi au misuli. Kwa vyovyote ni kawaida. Soma Mtoto kucheza miezi mitatu.

Maelezo

Mtoto au gesi?

• Mtoto – miguso hafifu kama mapovu, vipepeo au samaki kuogelea, chini ya kitovu, hasa ukiwa umetulia.

• Gesi – huambatana na kujaa tumbo, kutoa hewa; hutokea baada ya kula.

• Misuli ya kizazi – kubana kidogo kisha kuachia, bila maumivu.

Kadri wiki zinavyoenda

• Wiki 20 hadi 24 – miguso inakuwa wazi zaidi.

• Wiki 24 hadi 28 – mateke yanaonekana hata kwa mkono.

• Wiki 28 na kuendelea – mtoto ana mpangilio wa kulala na kuamka.

Nini cha kufanya

• Andika siku ulipoanza kuhisi – msaada kwa mtoa huduma.

• Hudhuria kliniki; ultrasound ya mapema huthibitisha umri wa mimba.

• Soma Kucheza kwa mtoto tumboni na Mtoto kutocheza kwa wakati.

Dalili za hatari

• Damu ukeni, maumivu makali ya tumbo au maji kutoka – kituo cha afya mara moja.

Lini umwone daktari

• Hujahisi mtoto kucheza kufikia wiki 24.

• Baada ya wiki 28, mtoto amepunguza kucheza.

Maswali yanayoulizwa mara kwa mara