Kikohozi cha muda mrefu kinachosababishwa na kucheua asidi ya tumbo

Jibu kwa ufupi

Swali la mteja: "Habari daktari, nakohoa karibu mwezi mzima. Vipimo vimesema sina tatizo, na wanahisi ni kucheua asidi. Nifanye nini?"

Jibu kwa ufupi: Badilisha mtindo wa maisha na tumia dawa ya kupunguza tindikali kama ulivyoelekezwa. Kikohozi cha GERD hupungua taratibu kwa wiki kadhaa. Soma GERD.

Maelezo

Dalili zinazoambatana

• Kikohozi usiku au baada ya kula.

• Kiungulia.

• Koo kuuma au kuwasha mara kwa mara.

• Kuhisi kitu kooni, kutema mate mengi.

• Sauti kukwaruza.

Kwa nini tindikali huleta kikohozi

• Huchokoza neva ya vagus kwenye umio na koo.

• Kiasi kidogo huingia njia ya hewa (microaspiration).

Dawa zinazotumika (kwa ushauri)

• Antacid (k.m. Gaviscon) – nafuu ya haraka kwa muda mfupi.

• Vizuia H2 – famotidine; ranitidine iliondolewa sokoni mwaka 2020 kwa sababu ya uchafu (NDMA).

• PPI – omeprazole, pantoprazole, esomeprazole, lansoprazole – soma Zolanas.

Nini cha kufanya

• Usilale saa 2 hadi 3 baada ya kula.

• Inua kichwa cha kitanda sentimita 15 hadi 20.

• Milo midogo ya mara kwa mara.

• Epuka vyakula vya kukaanga, soda, kahawa, pombe, chokoleti, nyanya na siki.

• Acha sigara; punguza uzito kama ni mkubwa.

• Soma Kinga ya kiungulia.

Dalili za hatari

Nenda hospitali mara moja ukiwa na:

• Kukohoa damu.

• Maumivu makali ya kifua.

• Kumeza kwa shida, kupungua uzito.

• Kupumua kwa shida.

Lini umwone daktari

• Kikohozi hakipungui baada ya wiki 8 za matibabu.

• Kikohozi zaidi ya wiki 3 – pima TB pia; soma Kikohozi.

• Una pumu au ugonjwa wa mapafu.

Maswali yanayoulizwa mara kwa mara