Kunyonyesha ni kinga kwa mwanamke| ULY CLINIC

Jibu kwa ufupi

Jibu kwa ufupi: Nyonyesha maziwa pekee miezi 6, kisha endelea pamoja na vyakula hadi miaka 2 au zaidi – ni kinga kwako na kwa mtoto. Soma Namna nzuri ya kunyonyesha.

Maelezo

Kwa nini kunyonyesha humkinga mama

• Hedhi huchelewa kurudi – mwili hupata estrojeni kidogo kwa muda; soma Estrogen na saratani ya titi.

• Seli za titi hukomaa zaidi na zile zenye kasoro huondolewa baada ya kuacha kunyonyesha.

• Kunyonyesha hutumia nishati – husaidia sukari na mafuta mwilini.

Faida nyingine kwa mama

• Kizazi husinyaa haraka; damu baada ya kujifungua hupungua.

• Kinga ya mimba miezi 6 ya kwanza kwa LAM – soma Kunyonyesha kama uzazi wa mpango.

• Hatari ndogo ya presha na magonjwa ya moyo baadaye.

• Ukaribu na mtoto.

Nini cha kufanya

• Anza kunyonyesha ndani ya saa 1 baada ya kujifungua.

• Maziwa ya mama pekee miezi 6.

• Endelea kunyonyesha hadi miaka 2 au zaidi.

• Kula vizuri, kunywa maji, pumzika.

• Hata ukinyonyesha, jichunguze matiti kila mwezi na nenda kwa uchunguzi – soma Saratani ya matiti.

Dalili za hatari

• Titi kuwa jekundu, moto, linauma pamoja na homa – nenda kituo cha afya leo.

Lini umwone daktari

• Uvimbe kwenye titi usioisha baada ya kunyonyesha.

• Chuchu kuingia ndani ghafla au kutoa damu.

• Una matatizo ya kunyonyesha.

Maswali yanayoulizwa mara kwa mara