Kuonekana kwa HIV kwenye kipimo

Jibu kwa ufupi

Swali la mteja: "Habari daktari, je, mtu anaweza kuishi na VVU miezi sita na kipimo kisionyeshe? Nilifanya ngono bila kinga mwezi wa pili, nikapata dalili, nikapima miezi 6 baadaye nikawa hasi, na tena miezi 3 baadaye bado hasi."

Jibu kwa ufupi: Majibu hayo yanaaminika – huna VVU kutokana na tukio hilo. Kila tukio jipya la hatari linahitaji kipimo chake wiki 12 baadaye. Soma VVU na UKIMWI.

Maelezo

Muda wa dirisha kwa kila kipimo

• Kipimo cha maabara antijeni/antibodi (kizazi cha 4) – siku 18 hadi 45; wiki 6.

• Vipimo vya haraka vya antibodi – hadi wiki 12.

• Kujipima kwa mate – hadi wiki 12; usitumie ukiwa kwenye ARV au PrEP.

• PCR (wingi wa virusi) – siku 10 hadi 33; haitumiki kwa kawaida kwa uchunguzi wa watu wazima.

Dalili hazithibitishi

• Homa, koo kuuma, vipele baada ya tukio vinaweza kuwa VVU au magonjwa mengine.

• Kipimo ndicho kinachojibu, si dalili.

Nini cha kufanya

• Pima sasa na tena wiki 12 baada ya tukio la mwisho la hatari.

• Tumia kondomu wakati unasubiri; usichangie damu.

• Tukio jipya ndani ya saa 72 – PEP; soma PEP mara kwa mara.

• Kama hatari inajirudia – ongea na mtoa huduma kuhusu PrEP.

• Pima pia kaswende, homa ya ini B na magonjwa mengine ya zinaa.

• Soma Kipimo siku ya 80 na Nimepima siku ya 80, nipo salama?.

Dalili za hatari

• Homa kali, vipele mwili mzima, vidonda mdomoni wiki 2 hadi 4 baada ya tukio – pima mapema kwa kipimo cha maabara.

Lini umwone daktari

• Kipimo chanya – anza ARV mapema.

• Majibu yanachanganya (moja chanya, moja hasi) – rudia kituoni.

• Wasiwasi mkubwa licha ya majibu hasi – ushauri nasaha.

Maswali yanayoulizwa mara kwa mara