Kutokwa ute wenye harufu mbaya ukeni

Ute wenye harufu mbaya ukeni mara nyingi husababishwa na vajinosisi ya bakteria, inayoleta ute mwepesi wa kijivu au mweupe na harufu ya samaki inayozidi baada ya tendo la ndoa au hedhi. Visababishi vingine ni trikomona, inayoleta ute wa njano au kijani wenye povu na muwasho; kitu kilichosahaulika ukeni, kinacholeta harufu kali sana; kisonono, klamidia na PID pamoja na maumivu; na mara chache saratani ya shingo ya kizazi.

Fangasi kwa kawaida huleta muwasho na ute mzito bila harufu kali, ingawa mtu anaweza kuwa na fangasi na vajinosisi ya bakteria kwa pamoja. Kuosha ndani ya uke na sabuni zenye manukato huzidisha tatizo. Tiba hutegemea kipimo cha ute, kwa hiyo nenda kituo cha afya badala ya kujitibu.

Swali la msomaji

"Habari daktari, mimi ni mwanamke. Sehemu yangu ya siri kwa wiki mbili sasa inatoa harufu mbaya na kutokwa na uchafu mweupe, na ninahisi kujikuna. Inaweza kuwa ni nini shida?"

Asante kwa kuwasiliana na ULY CLINIC. Harufu mbaya pamoja na ute mweupe na muwasho kwa wiki mbili mara nyingi huashiria maambukizi ya ukeni. Hapa chini tunaeleza visababishi vinavyowezekana na unachopaswa kufanya.

Visababishi vikuu vya harufu mbaya ukeni

Visababisho vikuu ni pamoja na;

• Maambukizi ya fangasi wa ukeDalili: Kujikuna sana, ute mweupe kama mtindi, uke kuwa na muwasho na wekundu.Harufu siyo kali sana, lakini muwasho ni mkubwa.

• Vajinosisi ya bakteriaDalili: Harufu mbaya kama ya samaki, ute wa kijivu au mweupe, huambatana na muwasho au kutokwa na ute mwingi.Husababishwa na mabadiliko ya bakteria wa kawaida ukeni.

• Maambukizi ya magonjwa ya zinaa kama trikomoniasisDalili: Harufu mbaya, ute wa kijani au njano, muwasho, maumivu wakati wa kukojoa au kufanya tendo la ndoa.Inahitaji matibabu ya haraka.

Kwa jedwali la rangi za ute soma Rangi ya ute ukeni na maana yake na Aina ya ute ukeni na maana zake.

Visababishi vingine

Visababishi vingine vinavyoweza kuchangia harufu mbaya ukeni ni pamoja na;

• Saratani ya Shingo ya Kizazi Dalili zinazoweza kujitokeza ni pamoja na;Kutokwa na harufu kali isiyo ya kawaida ukeniKutokwa na damu baada ya tendo la ndoaMaumivu ya nyongaDamu isiyo ya kawaida kati ya hedhi au baada ya kukoma hedhi

• Hii ni hatari na inahitaji uchunguzi wa PAP smia au kipimo cha kirusi.

• Fistula ya uke au puruHali hii hupelekea uchafu au kinyesi kutoka ukeni. Harufu huwa kali sana.Huletwa na madhara ya kujifungua au upasuaji.

• Uchafu uliokwama ukeniMfano: pedi au tampon iliyosahaulika ukeniHusababisha harufu mbaya kali sana na maambukizi

• Maambukizi ya njia ya mkojo yanayoambatana na ukeMaumivu wakati wa kukojoa, harufu mbaya ya mkojo, na muwasho.

• Kutumia sabuni au kemikali zenye manukato ukeniHuleta muwasho na kuharibu uwiano wa bakteria wa kawaida ukeni.

Unachoweza kufanya kwa sasa

Fanya mambo yafuatayo;

• Epuka kusafisha uke kwa sabuni kali au manukato. Hii inaweza kuongeza tatizo.

• Vaa chupi safi na kavu (isiyo na nailoni , tumia chupi ya pamba).

• Usifanye ngono bila kinga hadi utakapopata uchunguzi kamili.

• Nenda hospitali au kliniki upate uchunguzi wa kitaalamu. Daktari atachukua sampuli (uchunguzi wa ute) kuthibitisha aina ya maambukizi na kukupa dawa sahihi.

Matibabu ya harufu mbaya ukeni

Matibabu ya harufu mbaya ukeni hutegemea chanzo cha tatizo. Baadhi yake kulingana na vyanzo ni pamoja na;

• Maambukizi ya Fangasi: Dawa kama fluconazole au krimu ya clotrimazole.

• Vajinosisi ya bakteria: Antibiotiki kama metronidazole (vidonge au krimu).

• Magonjwa ya zinaa: Dawa maalum kutegemea na ugonjwa uliogundulika.

Dawa hutolewa kwa kipimo na muda maalumu na mtoa huduma baada ya uchunguzi. Kwa fangasi soma Fangasi ukeni, na kwa ute mwingi soma Kutokwa na ute mwingi ukeni.

Mambo ya kumweleza mtoa huduma

Ikiwa dalili ya harufu mbaya ukeni inaambatana na dalili nyingine kama maumivu ya tumbo, kutokwa damu isiyo ya kawaida, au kama umefanya tendo la ndoa bila kinga hivi karibuni, zinaweza kusaidia kufahamu kisababishi. Hivyo wakati wa matibabu usisahau kumwambia daktari dalili zote unazopata.

• Muda dalili zimekuwepo na kama zimewahi kujirudia.

• Dawa ulizotumia, ikiwemo antibiotiki au dawa za kupachika ukeni.

• Kama una mimba, kisukari au VVU.

• Kama kuna damu baada ya tendo la ndoa au kati ya hedhi.

Ushauri wa kuzingatia

Mwone mtoa huduma mapema ili kuzuia madhara zaidi, kama maambukizi kupanda kwenye kizazi na mirija, na matatizo ya uzazi baadaye. Kama dalili zinarudi mara kwa mara baada ya matibabu, soma Kujirudia kwa uchafu mweupe wenye harufu kali ukeni baada ya matibabu.

Maswali yanayoulizwa mara kwa mara