Madhara ya kutumia P2 mara kwa mara

Jibu kwa ufupi

Swali la mteja: "Je, kuna madhara ya kutumia P2 mara kwa mara? Mwezi uliopita nilitumia na mwezi huu nimetumia tena."

Jibu kwa ufupi: Kutumia P2 mara mbili kwa miezi miwili si hatari. P2 haileti ugumba wala haiharibu kizazi. Lakini kuitegemea kila mwezi huleta hedhi kuvurugika na haikukingi vizuri kama vidonge vya kila siku, sindano, kipandikizi au kitanzi.

Maelezo

Maudhi ya kawaida

• Hedhi kuwahi au kuchelewa kwa siku chache, matone ya damu.

• Kichefuchefu, kichwa kuuma, matiti kuuma, uchovu, tumbo kuuma kidogo.

• Huisha ndani ya siku chache.

Kwa nini si njia ya kudumu

• Hukinga tendo moja tu – haikukingi tendo la baadaye; soma Naweza tumia P2 mara 2.

• Kwa matumizi ya mara kwa mara, mimba nyingi zaidi hutokea kuliko kwa njia za kudumu.

• Hedhi isiyo ya mpangilio hufanya iwe vigumu kujua kama una mimba.

Imani zisizo za kweli

• P2 haileti ugumba.

• Haitoi mimba iliyokwisha kujipandikiza.

• Haiharibu kizazi wala mirija.

Nini cha kufanya

• Ongea na mtoa huduma kuhusu njia ya kudumu – vidonge vya kila siku, sindano, kipandikizi au kitanzi.

• Kama hedhi imechelewa zaidi ya wiki 1 baada ya P2 – pima mimba; soma Hedhi kuchelewa.

• Tumia kondomu – inakinga mimba na magonjwa ya zinaa.

Dalili za hatari

• Maumivu makali ya tumbo upande mmoja na hedhi imechelewa – mimba nje ya kizazi.

• Damu nyingi isiyo ya kawaida.

Lini umwone daktari

• Hedhi imevurugika kwa zaidi ya miezi 2.

• Unatumia P2 mara kwa mara na unataka njia bora.

Maswali yanayoulizwa mara kwa mara