Majira yenye vichocheo viwili na saratani

Saratani ya endometria na ovari

Matumizi ya vidonge vyenye vichocheo viwili huwakinga watumiaji kwenye aina mbili za saratani ambazo ni saratani ya ovari na saratani ya kizazi (saratani endometria) wakati huo huongeza hatari ya kupata saratani ya shingo ya kizaz kwa kiasi kidogo.

Kinga ya saratani hudumu muda gani?

Kinga dhidi ya saratani hizo huednelea kwa miaka 15 au zaidi baada ya kuacha kutumia vidonge.

Saratani ya Matiti

Matokeo ya utafiti kuhusu vidonge vyenye vichocheo viwili na saratani ya matiti ni vigumu kuyaeleza;

• Utafiti umeonyesha kuwa wanawake wanaotumia vidonge vyenye vichocheo viwili zaidi ya miaka 10 iliyopita wanakabiliwa na hatari ya kupata saratani ya matiti sawa na wanawake ambao hawajawahi kutumia vidonge hivi. Kinyume chake, watumiaji wanaoendelea kutumia vidonge vyenye vichocheo viwili na wanawake ambao wametumia vidonge vyenye vichocheo viwili katika miaka kumi iliyopita wana hatari kubwa zaidi wa kupata saratani ya matiti.

• Wakati mtumiaji wa sasa au aliyekuwa akitumia Vidonge vyenye vichocheo viwili akipatikana na saratani ya matiti, saratani hizo zinakuwa hazijakomaa kama saratani zinazowapata wanawake wengine.

• Haieleweki wazi kama matokeo haya yameelezwa kutokana na ugunduzi wa awali wa saratani ya matiti miongoni mwa watumiaji wa vidonge vyenye vichocheo viwili au kutokana na athari za awali za kimaumbile za vidonge vyenye vichocheo viwili kwa saratani ya matiti.

Saratani shingo ya Kizazi.

Saratani ya seviksi husababishwa na aina fulani za virusi papiloma au kwa Kiingereza vinaitwa “human papillomavirus” (HPV). HPV ni virusi vya kawaida vinavyoambukizwa kwa ngono ambavyo huondoka vyenyewe bila tiba, lakini wakati fulani huendelea kuwepo.

Matumizi ya vidonge vyenye vichocheo viwili kwa miaka 5 au zaidi yanaelekea kuongeza kasi ya kuendelea kuwepo maambukizi ya HPV kuwa saratani ya seviksi. Idadi ya saratani za seviksi zinazohusiana na matumizi ya vidonge vyenye vichocheo viwili inafikiriwa kuwa ndogo sana.

Iwapo upimaji wa saratani ya shingo ya kizazi unapatikana, watoa huduma wanaweza kuwashauri watumiaji na wanawake wengine wasiotumia kupimwa kila baada ya miaka mitatu (au kulingana na mapendekezo ya mwongozo wa taifa) ili kugundua mabadiliko yoyote ya dalili za saratani kwenye shingo ya uzazi yanayoweza kuchukuliwa hatua mapema.

Vihatarishi vya satarani ya shingo ya kizazi

Vihatarishi vinavyojulikana kuongeza hatari ya kupata saratani ya shingo ya kizazi ni pamoja na kuzaa watoto wengi na uvutaji wa sigara.