Ratiba ya kila siku na lishe bora kwa mtoto mwenye seli mundu

Jibu kwa ufupi

Swali la mteja: "Mtoto wangu wa miaka 3 ana selimundu – ratiba ya mlo iweje, na nimpe vyakula gani?"

Jibu kwa ufupi: Mlo kamili wa vyakula vya nyumbani kila siku, maji mengi, folic acid na dawa za kliniki bila kukosa. Soma Selimundu.

Maelezo

Ratiba ya siku (mfano)

• Asubuhi – folic acid na dawa nyingine za kliniki; uji wa lishe na maziwa au karanga.

• Saa 4 – tunda (papai, chungwa, embe, ndizi) na maji.

• Mchana – wali, ugali au viazi + maharagwe, dagaa, samaki au kuku + mboga za majani.

• Saa 10 – maziwa au mtindi, karanga zilizosagwa; maji.

• Jioni – chakula cha familia chenye protini na mboga; maji.

• Siku nzima – kunywa maji mara kwa mara, hasa wakati wa joto na michezo; kupumzika.

Vyakula vinavyopendekezwa (makundi yote)

• Wanga – viazi, wali, mahindi (ugali, uji), ndizi, viazi vitamu, mihogo.

• Protini – maharagwe, njegere, maziwa, mayai, dagaa, nyama, samaki, kuku.

• Matunda na mboga – mchicha, matembele, kisamvu, mlenda; papai, chungwa, embe, nanasi.

• Maziwa – maziwa, mtindi.

• Mafuta – karanga, mafuta ya alizeti au mawese, siagi kwa kiasi.

Mambo ya kuzingatia

• Usimpe vidonge vya madini chuma bila kipimo – mtoto anayeongezewa damu mara kwa mara anaweza kuwa na chuma kingi.

• Folic acid ni muhimu kwa sababu chembe nyekundu huvunjika haraka.

• Vinywaji vyenye sukari nyingi na vyakula vya kusindikwa – kidogo.

Nini cha kufanya

• Kliniki ya selimundu kila mara; penicillin ya kinga na chanjo kama zilivyopangwa.

• Chandarua kila usiku – malaria huchochea mashambulio.

• Epuka baridi kali, kuogelea kwenye maji baridi sana, uchovu mkubwa.

• Pima uzito na urefu kila ziara – mtaalamu wa lishe akishauriwa.

• Soma Aina za selimundu na Umri wa dalili za selimundu.

Dalili za hatari

Hospitali MARA MOJA ukiona:

• Homa 38.5°C au zaidi.

• Maumivu makali yasiyopungua kwa dawa za nyumbani.

• Kupumua kwa shida, maumivu ya kifua.

• Tumbo upande wa kushoto kuvimba ghafla, weupe mkubwa.

• Udhaifu upande mmoja, degedege.

• Kutapika au kuharisha – hatari ya upungufu wa maji.

Lini umwone daktari

• Uzito hauongezeki au mtoto ni mfupi kuliko wenzake.

• Hamu ya kula imepungua kwa muda mrefu.

• Macho ya njano yanaongezeka.

Maswali yanayoulizwa mara kwa mara