Upimaji wa mimba kwa mkojo: Ufafanuzi wa majibu

Jibu kwa ufupi

Swali la mteja: "Habari daktari, naomba kufahamu namna ya kutafsiri kipimo cha mimba."

Jibu kwa ufupi: C peke yake = hasi; C na T = chanya (hata T ikiwa hafifu); hakuna C = rudia kwa kipimo kingine. Soma Kikokotoo cha kipimo cha mimba.

Maelezo

Jinsi ya kupima

• Soma maelekezo ya kifaa; angalia tarehe ya mwisho.

• Tumia mkojo wa kwanza wa asubuhi kwenye kikombe safi.

• Kijiti – chovya hadi mstari wa juu kwa sekunde zilizoandikwa; kaseti – dondosha matone 3 hadi 4.

• Weka mahali tambarare; soma ndani ya dakika 3 hadi 5 (kama ilivyoandikwa).

Majibu

• Chanya – mistari 2; mstari hafifu bado ni chanya.

• Hasi – mstari wa C tu; kama hedhi bado haijaja, rudia baada ya siku 7.

• Batili – hakuna C, au T peke yake; tumia kipimo kipya.

• Mstari unaotokea baada ya dakika 10 haufai kusomwa.

Mambo yanayoathiri majibu

• Kupima mapema mno – hasi ya uongo; soma Mimba huonekana kwenye kipimo lini?.

• Mimba iliyotoka hivi karibuni – chanya hadi wiki 3 hadi 4.

• P2 na vidonge vya majira havibadilishi majibu – soma P2 na kipimo cha mimba.

Nini cha kufanya

• Chanya – anza kliniki mapema; folic acid; epuka pombe na dawa bila ushauri.

• Hasi lakini hedhi haiji wiki 3 – mwone mtoa huduma.

• Majibu yanachanganya – kipimo cha damu kituoni.

Dalili za hatari

• Chanya na maumivu makali upande mmoja, damu au kizunguzungu – hospitali mara moja; soma Mimba kutunga nje ya kizazi.

Lini umwone daktari

• Hasi mara 2 na hedhi haijaja.

• Chanya lakini damu inatoka.

Maswali yanayoulizwa mara kwa mara