Kamusi Tiba ya ULY CLINIC

p.a.a. katika tiba na dawa ni kifupisho cha neno la Kilatini ‘parti affectae applicandus’ lenye maana ya ‘paka sehemu iliyoathirika’

Katika tiba na cheti cha dawa namba iliyoandikwa juu ya 52 humaanisha idadi ya wiki dawa inapaswa kutumika kati ya wiki 52 za mwaka.

Kama dozi ya dawa imeandikwa juu ya namba 52 humaanisha dawa hiyo itumike katika wiki hizo. Mfano dawa iliyoandikwa 1/52 inamaanisha dawa itumike kwa muda wa wiki moja tu.

Rx katika tiba ni kifupisho cha neno la Kilatini ‘recipe’ lenye maana ‘Chukua’ au ‘pokea’

Kwenye cheti cha dawa neno Rx huandikwa kabla ya orodha ya dawa chini yake na humaanisha uchukue au utumie dawa zilizoorodheshwa na mtaalamu wa afya

i.v kitiba hutumika kama kifupisho cha neno ‘intravenous’ lenye maana ya ‘ndani ya vena’. neno venous limetokana na neno la Kilatini ‘vena’

Kama dawa imeambatana na neno i.v inamaanisha dawa inatumika kwa kuchoma ndani ya mishipa ya vena

BMI ni kufupisho cha neno la kiingereza la Body Mass Index au kwa lugha ya kiswahili Uwiano wa uzito wa mwili.

Uwiano wa uzito wa mwili hutokana na uzito na urefu wa mtu. BMI inafafanuliwa kama uzito wa mwili uliogawanywa kwa mraba wa urefu wa mwili, na unaorekodiwa katika kilo/m2 kutokana na uzito katika kilo na urefu katika mita.

BMI ni kipimo rahisi kinachotumiwa kuainisha kwa mapana uzito wa mtu kama uzito mdogo, uzito wa kawaida, uzito kupita kiasi, au unene uliokithiri kulingana na uzito wa tishu (misuli, mafuta na mfupa) na urefu.

Madaraja ya BMI

Ainisho kuu za BMI za watu wazima ni uzito mdogo (chini ya 18.5 kg/m2), uzito wa kawaida (18.5 hadi 24.9), uzito wa kupindukia (25 hadi 29.9), na unene uliokithiri (30 au zaidi). BMI inapotumiwa kutabiri afya ya mtu binafsi, badala ya kama kipimo cha kitakwimu kwa vikundi.

BMI ina mapungufu ambayo inaweza kuifanya iwe chini ya manufaa kuliko baadhi ya njia mbadala, hasa inapotumiwa kwa watu binafsi wenye unene wa tumbo, kimo kifupi, au misuli ya juu isivyo kawaida.

Maelezo zaidi ya BMI inapatikana katika makala ya BMI.