Dawa nzuri ya kutibu meno yasiumee ni nini?

Jibu kwa ufupi

Jibu kwa ufupi: Ibuprofen na/au paracetamol kwa kipimo sahihi, kisha mwone daktari wa meno haraka. Soma Kuoza kwa meno.

Maelezo

Dawa za maumivu

• Ibuprofen – hupunguza maumivu na uvimbe; meza baada ya chakula; si kwa wenye vidonda vya tumbo, figo, au ujauzito wa miezi 3 ya mwisho.

• Paracetamol – salama kwa wengi, ikiwemo mjamzito; usizidi kipimo.

• Kwa pamoja – ibuprofen na paracetamol hupunguza maumivu zaidi.

• Diclofenac – kwa muda mfupi, kwa ushauri.

• Usiweke aspirini juu ya fizi – huunguza fizi.

Antibayotiki hutumika lini

• Uvimbe wa uso au shingo unaoenea, homa, usaha – amoxicillin au metronidazole kwa maelekezo.

• Bila dalili hizi, antibayotiki hazipunguzi maumivu.

Msaada wa nyumbani

• Sukutua maji ya uvuguvugu yenye chumvi.

• Mafuta ya karafuu (yana eugenol) kidogo kwenye pamba juu ya jino – husaidia kidogo kwa muda; usiweke mengi kwenye fizi.

• Barafu nje ya shavu kwa uvimbe.

• Epuka vyakula vitamu, baridi sana au moto sana – soma Meno kuuma ukila vitu baridi.

Nini cha kufanya

• Panga kumwona daktari wa meno ndani ya siku chache.

• Piga mswaki mara 2 kwa siku kwa dawa yenye fluoride; tumia uzi wa meno.

• Punguza sukari, soda na pipi.

• Uchunguzi wa meno kila miezi 6 hadi 12.

• Mjamzito – matibabu ya meno ni salama; soma Kung'oa jino kwa mjamzito.

• Soma Kutoboka kwa meno husambaa?.

Dalili za hatari

Nenda hospitali mara moja ukiwa na:

• Uvimbe wa uso, chini ya taya au shingo unaoongezeka.

• Kushindwa kumeza, kufungua mdomo au kupumua vizuri.

• Homa kali pamoja na jino kuuma.

• Jicho kuvimba upande wa jino linalouma.

Lini umwone daktari

• Maumivu zaidi ya siku 2.

• Usaha au kidonda kwenye fizi.

• Jino kuuma ukiuma chakula au usiku.

• Fizi kutoa damu mara kwa mara.

Maswali yanayoulizwa mara kwa mara