Kuchelewa hedhi na kuja mithiri ya vitone vya damu

Jibu kwa ufupi

Swali la mteja: "Hedhi yangu ilipaswa kuanza tarehe 12, lakini tarehe 13 nikaanza kuona vitone vidogo vya damu visivyohitaji pedi. Mpaka sasa sipati hedhi ya kawaida. Shida inaweza kuwa nini?"

Jibu kwa ufupi: Pima mimba kwanza. Kama ni hasi, huenda ni mabadiliko ya homoni ya mwezi huo. Kama ni chanya, nenda kliniki mapema kuhakikisha mimba iko kizazini.

Maelezo

Visababishi

• Mimba ya mwanzo – damu kidogo wakati kiinitete kinajipandikiza (siku 6 hadi 12 baada ya uovuleshaji).

• Mimba nje ya kizazi au mimba inayotishia kutoka – vitone pamoja na maumivu.

• Mabadiliko ya homoni – msongo, ugonjwa, uzito, uovuleshaji kutotokea mwezi huo.

• Uzazi wa mpango – vidonge, sindano, kipandikizi, P2.

• Magonjwa ya kizazi – PCOS, faibroidi, endometriosis, polipu.

• Maambukizi – PID, klamidia, kisonono.

• Soma pia Damu katikati ya mzunguko.

Nini cha kufanya

• Pima mimba – kama hedhi imechelewa siku 7 au zaidi; kama hasi na bado haiji, rudia baada ya wiki 1.

• Andika tarehe za damu kwenye kalenda au programu ya simu.

• Kama unatumia uzazi wa mpango, mwambie mtoa huduma – inaweza kuwa maudhi ya kawaida.

• Epuka kumeza dawa za "kuleta hedhi" bila kujua kama una mimba.

Dalili za hatari

Nenda hospitali mara moja ukiwa na:

• Maumivu makali upande mmoja wa tumbo, maumivu ya bega, kizunguzungu au kuzimia – mimba nje ya kizazi.

• Damu nyingi ghafla yenye mabonge.

• Homa na uchafu wenye harufu mbaya.

Lini umwone daktari

• Vitone vinaendelea zaidi ya wiki 1 au vinajirudia kila mwezi.

• Kipimo cha mimba ni chanya – kliniki mapema kwa ultrasound.

• Damu baada ya tendo la ndoa.

• Hedhi imevurugika miezi 3 mfululizo – soma Hedhi kuchelewa.

Maswali yanayoulizwa mara kwa mara