Dawa ya Cefazolin

Cefazolin ni aina ya dawa ambayo ipo kwenye kundi la kwanza la antibayotiki jamii ya Cephalosporin. Dawa hii hutumika kupambana na maambukizi mbalimbali kwenye mwili. Dawa hii huwa maarufu kwa majina ya Ancef na Kefzol

Rangi, uzito na fomu ya Cefazolin

Rangi ya dawa ni ya njano lakini mara nyingi hutegemea aina ya kiwanda kinachotengeneza Cefazolin hupatikana katika mfumo wa unga ambao huandaliwa kwa ajili ya sindano wenye uzito wa; • 500 mg • 1 g • 2 g • 10 g • 20 g • 100 g • 200 g

Namna Cefazolin inavyofanya kazi

Dawa hii hufanya kazi kwa kuzuia ukuaji wa bakteria kwa kuzuia utengenezaji wa peptidoglacan ambayo huunda ukuta wa seli kwenye bakteria ,Kwa kufanya hivyo hupelekea kufa kwa bakteria

Dawa zilizo kundi moja na Cefazolin

Dawa zingine zilizo kwenye kundi moja la Cephalosporin ya kwanza ni ;

• Cefadroxil • Cephalexin • Cephalothin • Cephapirin • Cephradine

Kazi ya Cefazolin

Hutumika kwenye matibabu ya wagonjwa wa cholecystitis Hutumika kwenye matibabu ya wagonjwa wenye Maambukizi ya mfumo wa mkojo Hutumika kama kinga ya Maambukizi kabla ya upasuaji

Utofauti wa Cefazolin na dawa zingine kwenye kundi moja

Utofauti wa pekee wa dawa hii na dawa zingine za kwenye kundi hili la cephalosporin ya kwanza :

• Dawa hii hutolewa mwilini kwa njia ya mkojo kwa asilimia kubwa zaidi kuliko njia zingine. • Dawa hii nusu ya maisha ya dawa hii ni dakika 90 mpaka 150 tangu itumike mwilini

Dawa usizopaswa kutumia pamoja na Cefazolin

Dawa hii haipaswi kutumika pamoja na dawa zifuatazo; • Antithrombin alfa • Argatroban • Bivalirudin • Dalteparin • Enoxaparin • Fondaparinux • Heparin • Warfarin • Bazedoxifene • Dienogest • Estradiol • Ethinylestradiol • Probenecid

Wagonjwa wasiopaswa kutumia Cefazolin

Wagonjwa wenye aleji na dawa hii au jamii ya dawa za cephalosporin

Tahadhari ya Cefazolin

Dozi yake inapaswa kupunguzwa kwa mgonjwa mwenye shida ya figo Matumizi ya muda mrefu huweza kupelekea fangasi kwenye mwili

Matumizi ya Cefazolin kwa mama mjamzito

Dawa hii ipo kwenye kundi B la usalama kwa mama mjamzito Dawa hii inaweza kutumika kwa mama mjamzito ,Tafiti za wanyama hazionyeshi hatari yeyote kwa mjamzito

Matumizi ya Cefazolin kwa mama anayenyonyesha

Inaweza kutumika kwa mama anayenyonyesha sababu hakuna madhara yeyote yaliyoripotiwa

Maudhi ya Cefazolin

Baadhi ya maudhi madogo ya dawa hii ni; • Kizunguzungu • Kichefuchefu • Kutapika • Kuharisha • Homa

Endapo umesahau dozi ya Cefazolin

Je endapo utasahau dozi yako ufanyaje? Endapo ukisahau kutumia dozi yako tumia mara pale utakapokumbuka na endapo muda wa dozi nyingine umekaribia acha dozi uliyoisahau na endelea na dozi yako kama ulivyopangiwa na daktari wako